Novas | Concello de Lourenzá

A RUTA LITERARIA DEDICADA A FRANCISCO FERNÁNDEZ DEL RIEGO CONVERTERASE EN PERMANENTE CO APOIO DA XUNTA DE GALICIA. A ALCALDESA, EMMA ÁLVAREZ, PRESENTOULLE O PROXECTO AO SECRETARIO XERAL DE CULTURA, ANXO LORENZO

O Concello de Lourenzá contará co apoio da Xunta de Galicia para converter en permanente a ruta literaria dedicada a Francisco Fernández del Riego, que se fixo por primeira vez o ano pasado. Este proxecto foi presentado pola alcaldesa, Emma Álvarez Chao, ao secretario xeral de Cultura, Anxo Lorenzo, a quen lle pareceu unha iniciativa interesante.

A REHABILITACIÓN DA FORTALEZA DE TOVAR, ONDE SE CREOU O CENTRO DE INTERPRETACIÓN DA CULTURA DOS PAZOS GALEGOS, FOI INAUGURADA HOXE. A ALCALDESA CUALIFICOU A XORNADA COMO UN DÍA HISTÓRICO PARA OS LAURENTINOS

A rehabilitación da Fortaleza de Tovar, onde se creou o Centro de Interpretación da Cultura dos Pazos Galegos, foi inaugurada hoxe. A alcaldesa, Emma Álvarez Chao, cualificou a xornada como un día histórico para os laurentinos.

A DELEGADA TERRITORIAL DESTACA OS AVANCES NA MELLORA DE ACCESIBILIDADE REALIZADOS NOS ÚLTIMOS MESES NO CEIP JUAN REI DE LOURENZÁ

A delegada territorial, Raquel Arias, destacou os traballos de mellora de accesibilidade realizados nos últimos meses pola Consellería de Cultura, Educación e Ordenación Universitaria no CEIP Juan Rei.

RAQUEL ARIAS ANUNCIA EN LOURENZÁ QUE OS CONCELLOS DE LUGO COMEZARÁN A RECIBIR EN ABRIL O PRIMEIRO PAGO DO SERVIZO DE AXUDA NO FOGAR PARA DEPENDENTES DO PRESENTE ANO

Os 67 concellos da provincia de Lugo comezarán a recibir no mes de abril o primeiro pago correspondente ás axudas destinadas para financiar o Servizo de Axuda no Fogar de dependencia (SAF de dependencia). Así o indicou hoxe a delegada territorial da Xunta en Lugo, Raquel Arias, no marco da visita que realizou ao centro de día de Lourenzá. Segundo sinalou a delegada, este concepto que se financia correspóndense co primeiro trimestre do 2014.

A SECCIÓN DE ATLETISMO, REPRESENTADA EN TRES POPULARES A PASADA FIN DE SEMANA

O domingo pasado á mañá foi proveitoso para os atletas das E.D. Lourenzá Mondoñedo:
Carmen López e Arabela Martínez lograban a primeira e segunda posición na carreira solidaria de Baleira, Ana Vallines añadía unha nova medalla de prata ó seu currículum en Oviñana(Cudillero-Asturias) mentres o seu irmán Fernando obtiña a 4ª posición; e Manuel Folgueira competía en Cacheiras(Teo) nunha carreira popular na provincia de A Coruña entrando entre os 40 primeiros da xeral. Noraboa, a seguir traballando!!!