A NENA ANTÍA LILLO IRIMIA, LAURENTINA DE 10 ANOS, FOI A GAÑADORA DO PRIMEIRO CONCURSO CONVOCADO PARA ELIXIR O CARTEL DA FESTA DA FABA. A IMAXE UTILIZARASE PARA DIFUNDIR O FESTEXO, QUE SE CELEBRARÁ DO 4 AO 6 DE OUTUBRO
Lourenzá, 17 de setembro de 2013. A nena laurentina Antía Lillo Irimia, de 10 anos e alumna do colexio Juan Rey, foi a gañadora do primeiro concurso convocado polo Concello de Lourenzá e a asociación de comerciantes, industriais e autónomos local para elixir o cartel anunciador da Festa da Faba. A imaxe utilizarase en todo o material gráfico que se faga para difundir a 23ª edición do festexo, que se celebrará do 4 ao 6 de outubro.