Novas

Lourenzá, 19 de decembro de 2012. 42 alumnos do taller de memoria do Concello de Lourenzá participaron na festa de Nadal celebrada onte, martes.

No festexo os asistentes repartiron regalos entre eles co sistema do amigo invisible, tomaron chocolatada con roscón, brindaron cunha copa de sidra e cantaron panxoliñas.

No acto participaron a alcaldesa, Emma Álvarez Chao, e a concelleira de Educación, Cultura e Turismo, Lupe Flórez Seivane.

Lourenzá, 19 de decembro de 2012. A Concellería de Educación e Cultura promove a creación dun grupo de teatro infantil e xuvenil que empezará a ensaiar no vindeiro ano 2013. Poderán participar nenos e rapaces maiores de 7 anos que deberán apuntarse na biblioteca municipal antes de que remate este mes.

Lourenzá, 18 de decembro de 2012. O Concello de Lourenzá iniciou o acondicionamento da praza César Chavarría Pacio, “obras que están incluídas dentro do plan de urbanización da Área de Rehabilitación Integral (ARI) e que se teñen que facer dentro do Pepri”, segundo anunciou a alcaldesa, Emma Álvarez Chao.

Lourenzá, 15 de decembro de 2012. A Concellería de Educación, Cultura e Turismo de Lourenzá abriu onte, venres, o prazo para anotarse nos Obradoiros de Nadal que se van a desenvolver nas próximas vacacións escolares.”Este prazo de inscrición ten como obxectivo repartir por idades aos nenos/as participantes para adaptar as actividades ás diferentes idades que poidan confluír”, explicou a concelleira Lupe Flórez.

Lourenzá, 14 de decembro de 2012. Os quince alumnos do curso de albanelería, que se levou a cabo en Lourenzá desde o 2 de outubro e que rematou onte, fixeron obras en cemiterios, fontes, barbacoas e no centro escolar.

Lourenzá, 14 de decembro de 2012. Todos os alumnos do CEIP Juan Rey, de Lourenzá, aportaron un xoguete, e algúns levaron varios, no acto organizado polo Concello, que se celebrou na tarde de onte, para colaborar coa Cruz Vermella na recollida de xogos para entregar a familias con escasos recursos. A alcaldesa, Emma Álvarez Chao, comentou que “isto demostra a solidariedade dos nenos e tamén que esta acción está ben encamiñada, posto que os máis pequenos entenden a lección”.

A primeira proba (preparatoria) disputarase en Sta. Cruz o sábado 12 de xaneiro, mentres que a clasificatoria para o campionato provincial terá lugar o 19 de xaneiro. Espéranse cerca de 200 rapac@s competindo nas categorías de benxamín, alevín, infantil e cadete. A competición empezará a partir das 11,00 e agárdase que remate sobre as 13,00 horas. Organizan a Secretaría Xeral para o Deporte da Xunta de Galicia e a A.D. A Mariña; e colaboran na mesma o Concello de Lourenzá, as E.D. Lourenzá e Protección Civil.

Lourenzá, 12 de decembro de 2012. O Concello de Lourenzá recuperou este ano a tradición de colocar unha árbore de Nadal xunto á casa consistorial despois de moitos anos sen facelo. Tamén se instalou un pequeno alumeado e nos vindeiros días porase en funcionamento unha megafonía con panxoliñas polas rúas de Vilanova, “todo con moita austeridade pola situación económica que estamos a vivir”, explicou a alcaldesa, Emma Álvarez Chao.

Lourenzá, 7 de decembro de 2012. A alcaldesa de Lourenzá, Emma Álvarez Chao, fixo un balance moi positivo do encontro que mantivo en Santiago de Compostela co presidente da Xunta, Alberto Núñez Feijoo.

Álvarez declarou: “non podo máis que facer un balance positivo. Na xuntanza falamos de distintos temas e comprometeuse con Lourenzá e cos laurentinos para tratar de buscarlles solucións”.

Lourenzá, 06 de decembro de 2012. Por segundo ano consecutivo o Concello de Lourenzá colabora coa Cruz Vermella na campaña de recollida de xoguetes “a fin de que este Nadal todos os nenos da comarca poidan disfrutar dun agasallo, a poder ser dun xoguete”, segundo anunciou a alcaldesa, Emma Álvarez Chao.