Novas | Concello de Lourenzá

Novas do Concello

O Centro de Día para maiores conmemora o seu primeiro aniversario cunha xornada de portas abertas e varias actividades

Lourenzá, 22 de novembro de 2012. Este sábado, día 24, cúmprese o primeiro aniversario da apertura do centro de día de Lourenzá e para conmemoralo haberá unha xornada de portas abertas e varias actividades mañá, venres.

O Concello cubrirá toda a demanda do servizo de axuda no fogar a partir de decembro, para o que será contratado un novo traballador a tempo parcial

Lourenzá, 21 de novembro de 2012. A partir do vindeiro mes de decembro o Concello de Lourenzá cubrirá toda a demanda de axuda no fogar daqueles veciños que cumpren os requisitos esixidos para recibir este servizo.

No pleno 19 de novembro a corporación municipal gardou un minuto de silencio con motivo do Día Internacional contra a Violencia de Xénero e haberá outros actos

Lourenzá, 19 de novembro de 2012. Os concelleiros de Lourenzá que asistiron ao pleno da corporación municipal celebrado hoxe gardaron un minuto de silencio para lembrar ás vítimas da violencia de xénero polo día internacional contra esta lacra, que se conmemora o vindeiro domingo. Con este motivo o Concello organiza varias actividades máis durante esta semana, como anunciou a alcaldesa, Emma Álvarez Chao.

A mellora de viais cun investimento de 54.987 euros do PEIM está a punto de rematar. A maioría das obras xa están executadas, segundo anunciou hoxe o concelleiro Dino Vidal

Lourenzá, 16 de novembro de 2012. O Concello de Lourenzá está levando a cabo obras para mellorar viais en varias parroquias do municipio. O investimento total destas actuacións ascende a 54.987 euros con cargo ao plan PEIM e están a punto de rematar. O concelleiro de Obras, Dino Vidal, está supervisando a execución dos traballos e explicou que “se están levando a cabo asfaltados, reparacións e limpeza de cunetas”.

O Pleno da Corporación Municipal tratará o vindeiro luns a modificación das ordenanzas fiscais para 2013, que na maioría dos casos serán actualizadas tendo en conta a suba do IPC interanual

Lourenzá, 15 de novembro de 2012. A modificación das ordenanzas fiscais para o vindeiro ano 2013 someterase a aprobación no pleno da corporación municipal de Lourenzá que está convocado para o luns, día 19, ás doce e media do mediodía.

A biblioteca pública municipal convoca o Certame de Poesía de Nadal. O prazo de presentación dos traballos remata o 21 de decembro

Lourenzá, 15 de novembro de 2012. A Concellería de Cultura, a través da biblioteca pública municipal Juana de Ibarbourou, convoca a fase local do certame de poesía infantil Nadal 2012. Anunciouno a concelleira Lupe Flórez Seivane.

Recollido un can abandoado

Operarios do Concello de Lourenzá recolleron un can que se atopaba abandoado polas rúas da localidade. O animal atópase en dependencias municipais á espera de que o seu dono o recolla ou en caso contrario se queira facer cargo del calqueroutra persoa que estea disposta a acollelo e coidalo.

A Axencia de Extensión Agraria organiza unha reunión para informar a gandeiros e produtores de faba da comarca sobre á recuperación dos envases de productos fitosanitarios

Lourenzá, 13 de novembro de 2012. O salón de actos do Concello de Lourenzá acollerá este venres, día 16 de novembro, ás cinco da tarde unha reunión con gandeiros e produtores de faba de toda a comarca para informarlles sobre os requisitos que esixe a PAC para o cobro das subvencións anuais no referido á recuperación dos envases baleiros de produtos fitosanitarios . O acto está organizado pola Axencia de Extensión Agraria.

O Concello creou contas nas redes sociais Facebook e Twitter e ofrece as asociacións locais espazos na páxina web municipal para achegar as novas tecnoloxías aos veciños

Lourenzá, 13 de novembro de 2012. O Concello de Lourenzá acaba de poñer en marcha contas institucionais nas redes sociais facebook e twitter, ás que se pode acceder a través da páxina web municipal na que tamén haberá espazos para as asociacións locais.