Noticias | Concello de Lourenzá

MÁIS DE 40 PERSOAS PARTICIPARON NA CHARLA CELEBRADA HOXE, XOVES, NO SALÓN DE ACTOS DO CONCELLO DE LOURENZÁ DENTRO DA CAMPAÑA DE PREVENCIÓN DE ATROPELOS A PEÓNS

Máis de 40 persoas participaron na charla celebrada hoxe, xoves, no salón de actos do Concello de Lourenzá dentro da campaña de prevención de atropelos a peóns. Correu a cargo de efectivos da Garda Civil, que explicaron as pautas para pasear coas axeitadas medidas de visibilidade e seguridade, co fin de evitar atropelos nos distintos tipos de estradas.

O CONCELLO APROBOU UN INVESTIMENTO DE 25.420 EUROS PARA MELLORAR ESTRADAS NAS CATRO PARROQUIAS DO MUNICIPIO

Lourenzá, 12 de febreiro de 2014. O Concello de Lourenzá aprobou un investimento de 25.420,16 euros para mellorar estradas nas catro parroquias do municipio.

O concelleiro de Obras, Dino Vidal, explicou que a metade do investimento corresponde a fondos propios do Concello e o restante vai con cargo ao Plan de Obras e Servizos da Deputación de Lugo.

DENTRO DO CICLO FEBREIRO TEATREIRO ESTE DOMINGO 16 ACTUARÁ O TRÍO TRÍPODE E O DÍA 23 A REPRESENTACIÓN SERÁ A CARGO DA COMPAÑÍA O BATÁN, DE CANGAS DE FOZ

Lourenzá, 11 de febreiro de 2014. Dentro do ciclo Febreiro teatreiro, organizado polo Concello de Lourenzá, este domingo 16 actuará o trío Trípode e o día 23 a representación correrá a cargo da compañía O Batán, de Cangas de Foz. Anunciouno hoxe a concelleira de Cultura, Lupe Flórez Seivane.

A SECCIÓN DE ATLETISMO DAS E.D. LOURENZÁ MONDOÑEDO VOLVE A TRIUNFAR NO CAMPIONATO PROVINCIAL DE CAMPO A TRAVÉS.

No día de onte en Villalba a sección de atletismo volveu a ser protagonista positiva obtendo unhos novos resultados históricos que xa non sorprenden pero sí seguen alegrando.

Categoría benxamín feminino:

O equipo formado por Valeria, Diana, Carmen, Antía, María e Aldara proclamouse campión provincial ¡!!

Categoría benxamín masculino:

O equipo formado por Fernando, Manuel, Ian, Brais e David proclamouse Subcampión provincial.

Categoria alevín feminino:

O equipo formado por Ainara, Ana, Hiba, Ainhoa, Carme e Marta; subcampionas provinciais.

A ALCALDESA CONSIDERA UN ÉXITO A PARTICIPACIÓN NO MACROENTROIDO CELEBRADO ONTE EN SANTIAGO, A PESAR DO MAL TEMPO. EMMA ÁLVAREZ DESTACOU A ACEPTACIÓN QUE TIVERON OS MAZAPÁNS DE LOURENZÁ

Lourenzá, 10 de febreiro de 2014. A alcaldesa de Lourenzá, Emma Álvarez Chao, fixo hoxe unha valoración positiva da participación do concello no Macroentroido celebrado onte en Santiago de Compostela a pesar do mal tempo. A rexedora destacou o éxito que acadou o doce típico do Antroido no municipio, que é coñecido como mazapán.