RAQUEL ARIAS CONSIDERA QUE A XUNTA “REFORZA NA MARIÑA A APOSTA POLOS PROGRAMAS DE FORMACIÓN E EMPREGO” COA POSTA EN MARCHA HOXE DE CATRO OBRADOIROS CON 80 ALUMNOS
A delegada territorial, Raquel Arias, subliñou hoxe que a Xunta de Galicia reforza a súa aposta polos programas de formación e emprego na Mariña” coa posta en marcha definitiva no día de hoxe de catro obradoiros de emprego, nos que participan 80 alumnos de doce concellos da zona costeira.
A delegada, xunto cos alcaldes de Lourenzá, Emma Álvarez, e o de Barreiros, Alfonso Fuente, acompañou aos alumnos do obradoiro de emprego Serra da Cadeira, que comeza hoxe mesmo e foi impulsado conxuntamente polos concellos referidos e o de Trabada.