Novas

RAQUEL ARIAS CONSIDERA QUE A XUNTA “REFORZA NA MARIÑA A APOSTA POLOS PROGRAMAS DE FORMACIÓN E EMPREGO” COA POSTA EN MARCHA HOXE DE CATRO OBRADOIROS CON 80 ALUMNOS

A delegada territorial, Raquel Arias, subliñou hoxe que a Xunta de Galicia reforza a súa aposta polos programas de formación e emprego na Mariña” coa posta en marcha definitiva no día de hoxe de catro obradoiros de emprego, nos que participan 80 alumnos de doce concellos da zona costeira.

A delegada, xunto cos alcaldes de Lourenzá, Emma Álvarez, e o de Barreiros, Alfonso Fuente, acompañou aos alumnos do obradoiro de emprego Serra da Cadeira, que comeza hoxe mesmo e foi impulsado conxuntamente polos concellos referidos e o de Trabada.

O PASADO DOMINGO OS ATLETAS DAS ESCOLAS ESTIVERON PRESENTES NA POPULAR DE BURELA

O pasado domingo os atletas das Escolas estiveron presentes na Popular de Burela que tiña como saída a praia de A Marosa, e onde os nosos deportistas conseguiron premio en todas as categorías.

Iniciación Mixta:

1 - Ian Méndez

2 - Diana Lastra

3 - Iria Rguez.

Sub 14 Mixta:

1 - Ainara Rguez.

De 14 a 18 Mixta:

3- Carmen López

Veterana Feminina:

1 - Loli Piñeiro

2 - Marisa Ares

Ademáis, Marcos Rguez remataba en 7ª posición en sénior masculino.

VILANOVA VERASE AFECTADA POR VARIOS CAMBIOS DE TRÁFICO NAS SÚAS RÚAS CON MOTIVO DAS FESTAS PATRONAIS DO CONDE SANTO QUE SE CELEBRAN NO MUNICIPIO DENDE O VENRES 29 DE AGOSTO ATA O LUNS 1 DE SETEMBRO

A alcaldesa de Lourenzá, Emma Álvarez Chao, deu a coñecer, a través dun bando informativo, os cortes e cambios de tráfico que rexistrará Vilanova co motivo da celebración das súas festas patronais. As modificacións comezarán mañá, mércores, e irán sucedéndose por diferentes rúas do municipio de forma ininterrompida ata o luns día 1 de setembro, xornada na que finalizarán as festas do Conde Santo.

RETIRARON HOXE UN NIÑO DE AVESPA VELUTINA NO PEDRÓN. ESTABA SITUADO NUN EUCALIPTO A MÁIS DE 20 METROS DE ALTURA

Lourenzá, 22 de agosto de 2014. Operarios da empresa Tragsatec e unha unidade de bombeiros do parque comarcal de Barreiros retiraron hoxe un niño de avespa asiática velutina que estaba situado no Pedrón, concretamente no lugar de Pousada.

A alcaldesa de Lourenzá, Emma Álvarez Chao, estivo presente durante a operación e, unha vez rematados os traballos, explicou que “este niño estaba a máis de 20 metros de altura nun eucalipto, polo cal se precisou a axuda dos bombeiros”.