Novas

A Concellería de Cultura do Concello de Lourenzá convoca o VI CERTAME DE TEATRO AFECCIONADO “CONCELLO DE LOURENZÁ”. Poderán participar unicamente compañías ou grupos de teatro afeccionado e que superen un proceso previo de selección, admitíndose calquera tipo de xénero e empregando preferentemente a lingua galega en calquera das súas variantes dialectais. Os grupos interesados en participar deberán inscribirse nas oficinas municipais do Concello de Lourenzá ou por correo.

Lourenzá, 22 de xuño de 2024. A Sala de Exposicións do Concello de Lourenzá alberga unha mostra sobre os campos de concentración nazis, que pode visitarse de luns a venres en horario de cinco a sete da tarde ata finais deste mes. Foi presentada pola alcaldesa de Lourenzá, Rocío López; Vidal Martínez-Sierra, directivo da asociación Patrimonio Laurentino; e Miguel Freire, membro da Asociación para la Recuperación de la Memoria Histórica e un dos autores da exposición.

O desfile de Entroido de Lourenzá, que se celebra tradicionalmente o Domingo de Piñata, trasládase ao día 17 de marzo a partir das 16:30 horas. Foi aprazado o 18 de febreiro polas eleccións autonómicas e o 25 do mesmo mes debido ás adversas condicións meteorolóxicas.

O Concello de Lourenzá anuncia a suspensión do desfile de Entroido polo mal tempo previsto para a tarde de hoxe, domingo,: “debido ás condicións meteorolóxicas dende o Concello e a ACIAL vémonos na obriga de aprazar o desfile de Domingo de Piñata. Nos vindeiros días publicaremos a nova data”.

E engaden: “lamentamos ter que tomar esta decisión e pedimos desculpas polas molestias que se puideran ocasionar. Que o mal tempo non nos saque a ninguén a ilusión do Entroido. Vémonos en breve”.

O Concello e a Asociación de Comerciantes, Industriais e Autónomos de Lourenzá (ACIAL) anuncian que “o tradicional desfile de Domingo de Piñata de Lourenzá trasládase para o 25 de febreiro, con carácter excepcional. Este cambio na data ven motivado pola celebración das eleccións autonómicas que terán lugar o 18 de febreiro, coa finalidade de garantir un bo funcionamento de ambas xornadas. Esta modificación só afectará a este ano e nos vindeiros seguirá celebrándose na súa data habitual, igual que sempre”.

Lourenzá, 4 de xaneiro de 2024. Este domingo, día 7 de xaneiro, coincidindo co 111 aniversario do seu nacemento, péchanse oficialmente as actividades do ano dedicado a Francisco Fernández del Riego. Será no Multiusos Ponte de Cuñas ás 18:30 horas.

O grupo Fauna 113, de Vigo, gañou o premio Conde Santo á mellor de representación na quinta edición do Certame de Teatro Concello de Lourenzá. Estaba dotado con 750 euros e o trofeo correspondente.

Constitúe o obxecto desta convocatoria a regulación do procedemento aplicable para o outorgamento de subvencións en réxime de concorrencia competitiva destinadas a entidades e clubs deportivos do Concello de Lourenzá- (enténdase con sede e/ou delegación no propio Concello) - para a realización de actividades deportivas na anualidade de 2023.

Descargar convocatoria (PDF)

A compañía lucense Ítaca Teatro presentará, o vindeiro 16 de decembro, a súa peza Anacos no Multiusos Ponte de Cuñas de Lourenzá, dentro da Gala de entrega de premios e Clausura do V Certame de Teatro de Lourenzá.

O xurado da quinta edición do Certame de Teatro Concello de Lourenzá -formado por Isabel Vilalba, Fina González, Javier Huertas, María Cruz Valea, Miguel Gavín, María José López e Manuel Arango- deu a coñecer os nominados nas distintas categorías de premios.

Para o premio Conde Santo á mellor representación os elixidos son: Arte, de Hipócrita Teatro; Pan con chocolate, de Ollomao; e Os veciños do lado, de Fauna 113.