Novas

Lourenzá, 24 de xullo de 2013. O Día de Galicia celébrase mañá en Lourenzá coa lectura dun manifesto que o escritor laurentino Francisco Fernández del Riego proclamou no concello no ano 1931. Tamén se repetirá o Roteiro Literario, que o pasado 17 de maio non puido facerse debido ao mal tempo.

Lourenzá, 23 de xullo de 2013. A charla informativa sobre a liña eléctrica Boimente-Pesoz ao seu paso por Lourenzá resultou moi interesante, segundo a alcaldesa, Emma Álvarez, quen lembrou que se organizou para satisfacer a petición realizada polos propios veciños.

Isabel Picoaga logrou unha medalla de bronce o pasado domingo na VI Ruta da Auga celebrada en Betanzos, a pesar de ser a súa primeira participación nunha proba deste estilo sobre un total de 45 kilómetros. Ademáis, sobre esta distancia rematou en 8ª posición Diego Vidal con un fenomenal tempo. Sobre 85 kilómetros destacar a 20ª posición de Javier Legide con un crono de 5 horas e 15 minutos. Participaron ademáis José Luís Falcón, J. Ramón Rguez, Juan José Longarela e Jorge Doural; rematando todos entre os 200 primeiros de un total de 400 participantes.

Proeza sen límites dos "papás" das nosas figuras do atletismo na carreira de montaña de A Pontenova este pasado domingo. Sobre unha distancia de 19 kilómetros 150 metros tiveron que superar un desnivel real de 443 metros con unha pendente de 5665 metros. Xoan Manuel Rguez(15), José Carlos Díaz(19), Marcos Rguez(27) e Luís Graña(41); todos lograron entrar entre os 50 primeiros nunha proba durísima con rampas que chegaron ó 26% de desnivel.

Presentámosvos unha foto dos participantes no curso de manipulador de produtos fitosanitarios promovido polo Concello de Lourenzá, que remataron as clases teóricas. As prácticas e o exame realizaranse o día 30 deste mes de xullo, martes, na Escola de Capacitación Agraria Pedro Murias que está en Vilaframil (Ribadeo).

Lourenzá, 19 de xullo de 2013. O 25 de xullo, Día de Galicia, Lourenzá lembra a Fernández del Riego coa reedición do Roteiro Literario que non se fixo o 17 de maio pasado debido ao mal tempo e a lectura dun manifesto que Don Francisco xa proclamara dende o balcón da actual Casa do Concello no ano 1931.

A sección de atletismo das E.D. Lourenzá Mondoñedo segue acaparando resultados. O pasado domingo día 14 de Xullo participaron na Popular de Castroverde, acadando os seguintes resultados(os máis destacados):

Pitufos: (100 mts.)

3ª - Iria Rguez.

Prebenxamín Masculino: 300 mts.

3º- Brais Díaz (1,06)

Lourenzá, 17 de xullo de 2013. Dous responsables de Red Eléctrica de España darán unha charla informativa sobre a liña Boimente-Pesoz ao seu paso polo municipio de Lourenzá. Inclúese no ciclo de conferencias mensuais que organiza o Concello e será o vindeiro luns ás oito e media da tarde no salón de actos municipal.

Foz (Lugo), 15 de xullo de 2013.- A directora de Turismo de Galicia, Nava Castro, e mais o presidente da Mancomunidade de Municipios da Mariña Lucense, Alfonso Fuente Parga, acompañados da delegada territorial da Xunta de Galicia en Lugo, Raquel Arias, e mais do alcalde da localidade, Javier Castiñeira asinaron hoxe en Foz un convenio de colaboración para a realización de actividades de promoción turística no destino.

Presentámosvos dúas fotos do concerto ofrecido polo grupo de acordeóns de Viveiro no salón de actos da Casa do Concello de Lourenzá onte, domingo. Da agrupación que dirixe Lino Rico forman parte tamén David Rodríguez, Ángeles Cuadrado, Herminio Pernas e Esperanza Pérez. Interpretaron un variado repertorio de temas musicais diante dun numeroso público e incluso actuou a alcaldesa laurentina, Emma Álvarez Chao, que interpretou un pasodobre xunto a Lino Rico.