Novas

O CONCELLO ORGANIZA UNHA VIAXE GRATUÍTA A CERCEDA PARA QUE OS VECIÑOS VISITEN O COMPLEXO MEDIOAMBIENTAL DE SOGAMA O DÍA 9 DE XUÑO

O Concello de Lourenzá organiza unha viaxe gratuíta a Cerceda para que os veciños visiten o complexo medioambiental de Sogama. Será o día 9 de xuño, luns.
A alcaldesa, Emma Álvarez Chao, anunciou hoxe que “con motivo da celebración o vindeiro 5 de xuño do Día Mundial do Medio Ambiente o Concello de Lourenzá xunto con Sogama invitamos aos nosos veciños a visitar o complexo medioambiental que teñen en Cerceda. Esta viaxe é para todas as persoas adultas que queiran facelo, de xeito gratuíto. Saírase ás oito e media da mañá de Lourenzá”.

O CONCELLO ANUNCIA UNHA CAMPAÑA VOLUNTARIA DE VACINACIÓN DE CANS QUE SE LEVARÁ A CABO NAS CATRO PARROQUIAS DO MUNICIPIO A PARTIR DE MAÑÁ, MÉRCORES

O Concello de Lourenzá anuncia a posta en marcha dunha campaña voluntaria de vacinación de cans que se levará a cabo nas catro parroquias do municipio. Comezará mañá, mércores 21, na parroquia de Santa María; o xoves 22 será en San Xurxo; o luns 26 farase en Santo Tomé e o martes 27 en Santo Adrao.
A campaña será para levar a cabo diferentes tipos de vacinacións, desparasitacións e a emisión de nova cartilla pasaporte xunto con implantación de microchip para aqueles animais que aínda non o teñan.

AARÓN RIVAS, SUBCAMPIÓN GALEGO DE TRIPLE SALTO

No día de onte un novo atleta das Escolas Deportivas subía ó caixón dun Campionato Galego de Atletismo, e nesta ocasión sería na Categoría Cadete que se celebrou durante toda a xornada do sábado en Vilagarcía de Arousa. Aarón Rivas fixo un mellor salto de 11 metros e 28 centrímetros, alcanzando así a medalla de prata no seu último salto. Ademáis, este gran deportista alcanzaba a 4ª posición na final dos 1500 obstáculos con un tempo de 5,08,91 e era 6º na final de xabalina cunha marca de 31,13.

A CORPORACIÓN MUNICIPAL APROBOU POR UNANIMIDADE SOLICITARLLE Á REAL ACADEMIA GALEGA QUE O DÍA DAS LETRAS GALEGAS DE 2020 SE DEDIQUE Á FIGURA DO INTELECTUAL LAURENTINO FRANCISCO FERNÁNDEZ DEL RIEGO

A corporación municipal de Lourenzá, no pleno celebrado hoxe, aprobou por unanimidade solicitarlle á Real Academia Galega que o Día das Letras Galegas do ano 2020 se dedique á figura do intelectual laurentino Francisco Fernández del Riego. Tamén acordou propoñer ao Concello de Vigo e á Fundación Penzol que se sume a esta petición.