Novas

A ALCALDESA CRITICA AOS REPRESENTANTES DE PSOE E BNG NA DEPUTACIÓN DE LUGO POR VOTAR NO PLENO DE HOXE EN CONTRA DA TRANSFERENCIA DO VIAL COÑECIDO COMO CAMIÑO A Á REDE DE ESTRADAS DO ENTE PROVINCIAL

Lourenzá, 26 de novembro de 2013. A alcaldesa de Lourenzá, Emma Álvarez Chao, asistiu hoxe ao pleno da Deputación de Lugo no que os representantes de PSOE e BNG votaron en contra da transferencia do vial coñecido como Camiño A á rede de estradas do ente provincial. Por este motivo a rexedora critica aos deputados provinciais socialistas e nacionalistas.

A MARCHA CONTRA A VIOLENCIA DE XÉNERO PERCORREU AS RÚAS DE VILANOVA DESPOIS DA PRESENTACIÓN DO PLAN MUNICIPAL DE IGUALDADE DE OPORTUNIDADES ENTRE HOMES E MULLERES. OS ACTOS REMATARON COA LECTURA DUN MANIFESTO E COA SOLTA DE GLOBOS MALVA

Lourenzá, 25 de novembro de 2013. A marcha contra a violencia de xénero organizada polo Concello de Lourenzá percorreu as rúas de Vilanova despois do acto de presentación do plan municipal de igualdade de oportunidades entre homes e mulleres. Os actos remataron coa lectura dun manifesto por parte da concelleira de Educación e Cultura, Lupe Flórez Seivane, e coa solta de globos de cor malva que portaban os participantes na mobilización.

AS ACTIVIDADES DO ANO DEDICADO A FRANCISCO FERNÁNDEZ DEL RIEGO REMATARÁN MAÑÁ MARTES, DÍA 26, COA INAUGURACIÓN DUNHA EXPOSICIÓN E UNHA LOA A DON PACO A CARGO DO SECRETARIO XERAL DE CULTURA DA XUNTA, ANXO LORENZO

Lourenzá, 25 de novembro de 2013. As actividades do ano dedicado polo Concello de Lourenzá a Francisco Fernández del Riego rematarán mañá martes, día 26, coa inauguración dunha exposición e unha loa a don Paco diante do seu busto a cargo do secretario xeral de Cultura da Xunta, Anxo Lorenzo.