Lourenzá, 22 de setembro de 2017. A fabeira da parroquia laurentina de Santo Tomé Gema Iglesias Recalde, que foi a primeira presidenta do Consello Regulador da Faba de Lourenzá, considera “un honra” ser a pregoeira da Festa da Faba 2017. O acto celebrarase na Praza do Conde Santo o día 30 deste mes, sábado, ás 12 do mediodía.
Coa presencia da nosa alcaldesa Dª. Rocío López, do noso presidente D. Pablo Maseda, do Concelleiro de deportes D. Francisco Dasilva, da deputada provincial Dª. Mayra García, e do representante da Cooperativa Terras da Mariña Lourenzá, José Cuadrado; presentouse no día de onte no consistorio laurentino a VIII edición da nosa popular Val das Fabas 2017!!!
Lembrade que as inscripcións estarán abertas ata o vindeiro martes día 26 de setembro. Agora mesmo estamos nos 200 participantes!!! Go!!!
Lourenzá, 13 de setembro de 2017. A alcaldesa de Lourenzá, Rocío López García, ven de editar un bando no que anuncia que unha unidade móbil de inspección técnica de vehículos agrícolas estará na localidade entre os días 21 e 26 deste mes de setembro, situada no Mercado Comarcal Gandeiro.
Rocío López, indica neste bando que “a unidade móbil 4 de inspección técnica de vehículos agrícolas desprazarase ao Concello de Lourenzá nas datas do 21 / 9 / 2017 ao 26 / 9 / 2017 e situarase no Mercado Comarcal Gandeiro de Lourenzá”.
Lourenzá, 12 de setembro de 2017. Hoxe, martes, foi presentado o cartel da XXVII edición da Festa da Faba de Lourenzá, que foi elaborado polo laurentino Ignacio Castro, coñecido artísticamente como Nachok. Para el este encargo foi unha honra e un desafío.
- Mayra García Bermudez, Rocio López García, Manuel Arango Ron e o artista Ignacio Castro “Nachok“, presentaron o programa desta cita, que se celebrará dende o 29 de setembro ata o 1 de outubro, na Praza do Conde de Fontao da vila
Lourenzá, 11 de setembro de 2017. A alcaldesa de Lourenzá, Rocío López García, ven de editar un bando no que advirte da necesidade de que os produtores teñan o carné de fabeiro para vender nos mercados dominicais da faba que darán comezo o vindeiro día 24. O prazo para a renovación deste carné abrangue do día 15 ao 29 deste mes de setembro e os produtores deben solicitalo na Casa do Concello en horario de 08:30 a 14:00 horas.
Lourenzá, 8 de setembro de 2017. O Concello de Lourenzá, a través da Delegación Municipal de Xuventude, organiza un taller gratuíto de coaching que comezará neste mes de setembro e terá unha duración de 35 horas. O prazo para inscribirse está aberto e rematará o día 18.
Trátase dun taller gratuíto destinado a mozos de 16 a 29 anos de idade no que se impartirán técnicas de motivación para a busca de emprego, comunicación e habilidades.
As balas invadiron literalmente o Cantón no día de onte. Acostumados a discorrer a velocidade de vértigo, onte fixeron unha parada para fotografiarse co principal patrocinador Maderas Barcia.
Estiveron presentes presidindo o acto a nosa alcaldesa Dª. Rocío López e o noso presi D. Pablo Maseda así como Javier Barcia, patrocinador da sección.
Coa presencia da nosa alcaldesa Dª. Rocío López e do noso Presidente D. Pablo Maseda, o equipo cadete Terras da Mariña Lourenzá que competirá esta temporada en liga provincial presentouse oficialmente. Baixo a dirección de Mariano De La Torre e a axuda de Laura Fdez. bota a andar este novo equipo que seguirá contando un ano máis co patrocinio da cooperativa do ano premiada recentemente, TERRAS DA MARIÑA. Moitas gracias por seguir confiando en nós e moita sorte a éste equipo que levará o noso nome unha nova tempada!!!
Galego
Español