Novas

O CONCELLO DE LOURENZÁ ORGANIZA UNHA VIAXE Á XV FERIA DE LA ALUBIA Y LA HORTALIZA EN CASAR DE PERIEDO (CANTABRIA)

Preto dun centenar de veciños acompañarán o próximo domingo, 17 de novembro, á alcaldesa de Lourenzá, Rocío López, a participar como concello invitado na XV Feria de la Alubia y la Hortaliza en Casar de Periedo, localidade do concello de Cabezón de la Sal (Cantabria). A viaxe inclúe degustación do cocido montañés.

Ademais de Lourenzá, nese evento participarán como concellos invitados os de La Bañeza (León), Saldaña (Palencia) e Arnuero (Cantabria).

AS OITO OBRAS SELECCIONADAS PARA O III CERTAME DE TEATRO CONCELLO DE LOURENZÁ REPRESENTARANSE DO 2 DE NOVEMBRO AO 1 DE DECEMBRO. NA GALA DE ENTREGA DE PREMIOS ACTUARÁ SERGIO PAZOS

Lourenzá, 25 de outubro de 2019. As oito obras seleccionadas para a terceira edición do certame de teatro Concello de Lourenzá representaranse desde o 2 de novembro ata o 1 de decembro. E na gala de entrega de premios, que será o 14 de decembro, actuará Sergio Pazos.

O CONCELLO OFRECE SERVIZOS DE PODOLOXÍA E FISIOTERAPIA A DOMICILIO GRATUÍTOS PARA MAIORES E DEPENDENTES

Lourenzá, 24 de outubro de 2019. A Concellería de Servizos Sociais de Lourenzá amplía os servizos a persoas dependentes e de libre concorrencia ofrecendo podoloxía e fisioterapia gratuítos para todos os usuarios.

Esta semana a concelleira Mercedes Dengra e a técnico social visitaron aos usuarios para ofrecer estes novos servizos, que teñen moi boa acollida. A partir do vindeiro mes de novembro un especialista en podoloxía e outro en fisioterapia realizarán estes servizos a domicilio.

A PRAZA DO CONDE SANTO ACOLLERÁ UN ACTO PARA CELEBRAR O DÍA DA BIBLIOTECA ESTE XOVES

Este xoves, día 24, ás 12:30 horas, co gallo da celebración do Día da Biblioteca, a biblioteca municipal Juana de Ibarbourou e a do CEIP Juan Rey celebrarán un acto conxunto na Praza do Conde Santo onde se lerá un manifesto e O conto máis longo do mundo, escrito e ilustrado polos alumnos e alumnas do colexio laurentino.

O Concello de Lourenzá obsequiará aos nenos e nenas participantes con agasallos conmemorativos do día.

SELECCIONADAS AS OITO OBRAS QUE SE REPRESENTARÁN NO CERTAME DE TEATRO AFECCIONADO CONCELLO DE LOURENZÁ

O xurado do III Certame de Teatro Afeccionado Concello de Lourenzá deu a coñecer o nome das oito obras seleccionadas para ser representadas durante o mes de novembro.

As elixidas son as seguintes:

- A Lola, de Avelaíña Teatro (Pontevedra).

- Fuga, de Gargallada Teatro (O Barco de Valdeorras).

- All you need is war, de O Catre Teatro (As Pontes).