Novas

O MERCADO COMARCAL GANDEIRO ACOLLERÁ UN CIRCUÍTO DE EDUCACIÓN VIARIA ESTE VENRES, DÍA 9. ESTÁ ACTIVIDADE GRATUÍTA ORGANIZADA POLO CONCELLO ESTÁ DIRIXIDA A NEN@S E RAPACES DE 3 A 16 ANOS

O mercado comarcal gandeiro de Lourenzá acollerá un circuíto de educación viaria este venres, día 9, de seis a oito da tarde. Esta actividade gratuíta organizada polo Concello está dirixida a nenos, nenas, rapaces e rapazas de 3 a 16 anos de idade.

Os interesados en participar deben apuntarse na biblioteca municipal e o prazo remata mañá, xoves, día 8.

LOURENZÁ E RIBADEO SERÁN ESCENARIO ESTE VENRES E ESTE SÁBADO, RESPECTIVAMENTE, DA PREESTREA E DA ESTREA DE JUANA, UNHA PERFORMANCE MULTIDISCIPLINAR EN HOMENAXE A JUANA DE IBARBOUROU

O Concello ribadense acolleu este mediodía a presentación da preestrea e estrea de Juana, unha perfomance multidisciplinar en homenaxe a Juana de Ibarbourou na que a poesía, a música e a danza serán as protagonistas. A preestrea desta creación será o venres, día 9, en Lourenzá, no salón de actos do Concello ás 20:00 horas, e a estrea o sábado, día 10, en Ribadeo, no Cine Teatro ás 21:00 horas. Os Concellos de Ribadeo e Lourenzá apostaron desde o primeiro momento por esta creación, algo que lles agradeceu a súa autora e directora, a laurentina Marina Oural.

OS MAIORES E O PERSOAL DO CENTRO DE DÍA DE LOURENZÁ VISITARON O PAZO DE TOVAR, ONDE FORON CONVIDADOS POLO CONCELLO A UNHA MERENDA

Os maiores e o persoal do Centro de Día de Lourenzá gozaron dunha visita guiada polo interior do Pazo de Tovar, que está en Canedo, na parroquia laurentina de Santo Tomé. Posteriormente foron convidados polo Concello a unha merenda.

Nesta excursión os usuarios do Centro de Día de Lourenzá estiveron acompañados por familiares, que se achegaron ao Pazo de Tovar para compartir esta xornada en conmemoración do Día da Familia.

A esta actividade acudiu tamén a alcaldesa de Lourenzá, Rocío López.