A Mesa Local do Comercio do Concello de Lourenzá aprobou esta semana a recuperación do denominado Mercado das Prazas, que se celebrou en Vilanova dende 1774 ata a década dos anos 70 do século pasado.
Dende o CLUBE ATLETISMO LOURENZÁ lembrámosvos que o vindeiro 3 de maio (coincidindo con as festas das QUENDAS), celebraremos a primeira edicíón da carreira de montaña TOXIZA CLASSIC XTREME. Unha proba de 40km que, con saída e meta na praza da catedral de Mondoñedo, percorrerá os montes máis emblemáticos da zona: A Toxiza, a reserva natural de A Fragavella e A Pena da Roca.
O salón de actos da Casa do Concello acollerá o venres a proxección dunha película de Pepe Peinó e o domingo haberá unha representación teatral a cargo da compañía Trípode. Son actos organizados pola Concellería de Cultura.
A biblioteca pública municipal de Lourenzá convoca un ano máis os certames infantís de narración e de debuxo para conmemorar o Día das Letras Galegas 2015. O tema elixido para esta edición é Da ciencia á ficción: o home na lúa, os robots, a realidade virtual, …
O Concello convoca un concurso para elixir á Madalena deste 2015, unha das protagonistas do desfile do maio. A concelleira de Cultura, Lupe Flórez, dixo que “a mellor forma de manter viva unha tradición é involucrar ás rapazas desde a súa infancia para que se impliquen na mesma”. As mozas de 10 a 17 anos, de Lourenzá, teñen ata o 27 de abril para anotarse e participar no sorteo que haberá o día 28 e do que sairá elixida a Madalena.
O goberno municipal de Lourenzá critica aos concelleiros da oposición, de PSOE e BNG, porque non asistiu ningún deles a pleno extraordinario da corporación celebrado esta mañá e no que se trataron asuntos importantes para os veciños.
O pleno extraordinario da corporación municipal de Lourenzá que está convocado para mañá, xoves, ás 10 da mañá tratará a ampliación da área de rehabilitación integral (ARI) a todo o casco urbano. Na sesión tamén se abordará a creación dun viveiro municipal de cooperativas agrarias.
A corporación municipal de Lourenzá celebrará un pleno extraordinario este xoves, día 16, ás dez da mañá. Na sesión tratarase unha moción do goberno local para solicitar melloras no servizo de Correos que se ofrece no municipio e outra na que piden ao Ministerio de Justicia que o Xulgado de Paz de Lourenzá manteña os servizos e funcións de rexistro civil.
O Concello de Lourenzá contratará por un período de seis meses un operario ou operaria, concretamente oficial de xardinería, para a protección e mantemento de espazos naturais do municipio. Farase mediante oferta pública ao INEM.
Os atletas das Escolas así como a sección de Atletismo Lourenzá (adultos) participaron o pasado Venres na carreira popular do Viño de Quiroga e este domingo na popular do Augardente de Portomarín; destacando unha vez máis os triunfos de Ana Vallines e Ainara Rguez.
En Quiroga Na XI Carreira Popular do Viño de Quiroga Ana Vallines facíase co título na categoría infantil feminino. Fernando Vallines era 10º en Alevín Masculino e Luís Graña na categoría sénior percorría 9 kilómetros en 37:36 (33º da súa categoría)
Galego
Español