Lourenzá, 16 de febreiro de 2015. Os alumnos e alumnas do Punto de Atención á Infancia (PAI) de Lourenzá celebraron o Entroido o pasado venres acompañados por familiares e as educadoras do centro.
Disfrazados de doces cupcakes fixeron un desfile dende as instalacións do PAI ata a praza do Conde Santo e despois participaron nunha merenda de Entroido.
Lourenzá, 16 de febreiro de 2015. O Concello de Lourenzá celebrou San Valentín o pasado venres co alumnado do colexio Juan Rey.
Lourenzá, 7 de febreiro de 2013. Lourenzá iniciou os distintos actos que con motivo do Entroido se van desenvolver no municipio organizados por distintas asociacións e tamén polo Concello. O primeiro deles foi o baile dos maiores que son alumnos do taller de memoria, no que algúns dos participantes foron disfrazados, entre eles a alcaldesa, Emma Álvarez Chao.
A asociación Conde Santo, de Lourenzá, celebrará o vindeiro día 16 o seu terceiro luns de Entroido. O evento terá lugar no recinto do Mercado Gandeiro e contará cunha temática central para os disfraces baseada nas distintas culturas e nacionalidades do mundo. Os nenos gozarán de música e xogos especiais a partir das cinco da tarde e poderán participar nunha chocolatada, organizada polo Concello, ao remate da festa infantil, que será gratuíta.
Das máis de 2000 solicitudes recibidas pola federación, só estarán en competición os 16 mellores atletas con mellor marca do ano en carreiras e os 12 mellores en concursos.
Os atletas seleccionados son:
O Concello de Lourenzá recolleu dous cans que foron abandonados na parroquia de Santo Tomé.
A alcaldesa, Emma Álvarez Chao, explicou que “son dous cachorros femias que xa comen. Para un deles xa hai unha persoa que quere adoptalo e para o outro os interesados poden preguntar na Casa do Concello”.
O Concello de Lourenzá, en colaboración co Centro de Artesanía e Deseño, organiza un curso de iniciación á tapizaría para os vindeiros meses. A actividade comezará o 23 de febreiro, luns, e terá unha duración de 60 horas. As clases impartiranse ata o 6 de maio, en horario de 19 a 22 horas, os luns e os mércores. O curso conta cun límite de dez prazas e a matrícula ten un custo de 30 euros por persoa.
O Concello de Lourenzá tramita dende esta semana as solicitudes de axudas da Consellería de Traballo e Benestar para poder acceder ás prestacións económicas de pagamento único para pais con fillas e fillos menores de 3 anos. O prazo de solicitude estará aberta ata o 14 de marzo. Os interesados poden recibir máis información ou facer os seus trámites nas oficinas dos Servizos Sociais Municipais de Lourenzá, situados no Torreón dos Frades.
O Concello de Lourenzá organiza un concurso de dedicatorias de amor para celebrar San Valentín a través da recentemente creada páxina de facebook da biblioteca pública municipal.
O Concello de Lourenzá está a traballar estes días para mellorar o estado de canalización das cunetas nas súas parroquias, previndo así novas inundacións coma as que tiveron lugar o pasado mes de decembro no municipio. Estas obras contan cunha inversión municipal de 7.000 euros e súmanse ás que o Concello pretende levar a cabo nos vindeiros meses para mellorar o estado das súas estradas e accesos a camiños municipais.
Galego
Español