CEA-BAILE DO PRESENTE E PASADO DO FÚTBOL DO LOURENZÁ

Con motivo da celebración do décimo aniversario da nova era do equipo de fútbol sénior das ED. Lourenzá, algúns dos xogadores máis veteranos organizan unha cea-baile coa que pretenden xuntar vellas glorias do equipo dos 80 con xogadores desta última década, afeccionados, rapaces das categorías inferiores e calquera persoa que teña ganas de pasar unha boa noite nun ambiente agradable. A cea terá lugar no recinto feiral de Lourenzá o vindeiro sábado 16 de novembro a partires das 21.30 horas, e as entradas pódense mercar en calquera dos bares da vila ata o día 10 de novembro. Os prezos son: 22 euros para adultos, 10 para nenos entre 6 e dez anos, e gratuíto para os menores de 6 anos. O menú estará composto por sopa, cocido, postre, café e chupito; e os organizadores teñen preparadas moitas sorpresas e agasallos, ademais de xogos para os pequenos (8 da tarde) e maiores (despois da cea).

Con esta iniciativa buscan recaudar fondos para o equipo e tamén agradecer a todos aqueles que cada fin de semana están nos seus partidos. Por isto, animan a xogadores e adestradores que formaron e forman parte do equipo sénior a xuntarse cos afeccionados e divertirse na súa compañía.