Novas

O CONCELLO OFERTA UN CURSO DE INICIACIÓN Á TAPIZARÍA ENTRE OS MESES DE FEBREIRO E MAIO. AS INSCRIPCIÓNS PODEN FACERSE XA NA OFICINA TÉCNICA MUNICIPAL DE EMPREGO

O Concello de Lourenzá, en colaboración co Centro de Artesanía e Deseño, organiza un curso de iniciación á tapizaría para os vindeiros meses. A actividade comezará o 23 de febreiro, luns, e terá unha duración de 60 horas. As clases impartiranse ata o 6 de maio, en horario de 19 a 22 horas, os luns e os mércores. O curso conta cun límite de dez prazas e a matrícula ten un custo de 30 euros por persoa.

OS SERVIZOS SOCIAIS DE LOURENZÁ TRAMITAN DENDE ESTA SEMANA AS PRESTACIÓNS ECONÓMICAS DA XUNTA DE GALICIA PARA O PAGAMENTO ÚNICO A FAMILIAS CON FILLOS MENORES DE 3 ANOS

O Concello de Lourenzá tramita dende esta semana as solicitudes de axudas da Consellería de Traballo e Benestar para poder acceder ás prestacións económicas de pagamento único para pais con fillas e fillos menores de 3 anos. O prazo de solicitude estará aberta ata o 14 de marzo. Os interesados poden recibir máis información ou facer os seus trámites nas oficinas dos Servizos Sociais Municipais de Lourenzá, situados no Torreón dos Frades.

O CONCELLO LAURENTINO TRABALLA XA NA MELLORA DE CANALIZACIÓNS NAS PARROQUIAS E CONFÍA EN PODER COMEZAR AS OBRAS REPARACIÓN DE ESTRADAS E ACCESOS MUNICIPAIS NOS VINDEIROS MESES, GRAZAS A DÚAS SUBVENCIÓNS PROCEDENTES DA XUNTA E A DEPUTACIÓN PROVINCIAL

O Concello de Lourenzá está a traballar estes días para mellorar o estado de canalización das cunetas nas súas parroquias, previndo así novas inundacións coma as que tiveron lugar o pasado mes de decembro no municipio. Estas obras contan cunha inversión municipal de 7.000 euros e súmanse ás que o Concello pretende levar a cabo nos vindeiros meses para mellorar o estado das súas estradas e accesos a camiños municipais.

CARMEN LÓPEZ DINIZ, 21ª CLASIFICADA NO CTO. GALEGO DE CAMPO A TRAVÉS XUVENIL

Fenomenal actuación da atleta de primeiro ano xuvenil Carmen López Diniz no Cto. Galego de Campo a Través Xuvenil disputado o pasado domingo en Friol. Con un tempo de 19 minutos, entrou na posición 21ª sendo atleta de primeiro ano.

Ademáis, o día anterior (sábado) Carmen L. Diniz e Arabela Martínez subían ó podium na popular de Rábade ó rematar en 2ª e 3ª posición respectivamente na categoría xuvenil.