Novas | Concello de Lourenzá

CRISTINA SARDINA NEIRA E ANTÍA LILLO IRIMIA FORON ELIXIDAS GAÑADORAS DO CERTAME DE POESÍA DE NADAL 2014 ORGANIZADO POLA BIBLIOTECA PÚBLICA DE LOURENZÁ

A Biblioteca Pública Municipal Juana de Ibarbourou de Lourenzá fixo público hoxe o listado de nenos e nenas que resultaron premiados na fase local do certame de Poesía de Nadal 2014. Todos eles recibirán os agasallos pertinentes nun acto de entrega que se celebrará na última semana deste mes, á espera de que se concrete nos próximos días a data, a hora e o lugar elixidos. Os seleccionados participarán ademais nas vindeiras semanas na fase provincial deste certame de poesía anual.

A XUNTA LICITARÁ DE XEITO INMINENTE AS OBRAS DE SANEAMENTO NO NÚCLEO DE REQUEIXO, EN LOURENZÁ, POR MÁIS DE 300.000 EUROS

A Consellería de Medio Ambiente, Territorio e Infraestruturas publicará de xeito inminente no Diario Oficial de Galicia a licitación das obras de saneamento do núcleo de Requeixo, no Concello de Lourenzá, por un importe de 304.758 euros. A delegada territorial da Xunta, Raquel Arias, visitou hoxe a zona na que está prevista a actuación, para a que se prevé un prazo máximo de execución de catro meses.

HOXE DESCUBRIUSE NA PRAZA CÉSAR CHAVARRÍA PACIO A PLACA PARA RESTITUÍR A MEMORIA DOS VECIÑ@S REPRESALIADOS DURANTE A GUERRA CIVIL

Hoxe descubriuse na praza César Chavarría Pacio, de Vilanova de Lourenzá, a placa para restituír a memoria dos veciños e veciñas do municipio que foron represaliados durante a Guerra Civil.

A CABALGATA DOS REIS MAGOS, QUE SE CELEBRARÁ O VINDEIRO LUNS, SAIRÁ NESTA OCASIÓN DE SAN XURXO PARA PERCORRER TODAS AS PARROQUIAS DO CONCELLO

A cabalgata dos Reis Magos en Lourenzá, que se celebrará o vindeiro luns, 5 de xaneiro de 2015, sairá nesta ocasión de San Xurxo para percorrer todas as parroquias do concello. Con esta actividade rematará o programa de actos de Nadal no municipio, iniciado coa visita de Papá Noel, que contou con numerosa presencia de nen@s e pais.

AS XOGADORAS DE BASKET DAS ESCOLAS GANAN O TORNEO DE NADAL DO ENSINO

Mencía Martínez-Sierra, Rebeca López e Carla Díaz estiveron xogando os torneos de Nadal do Ensino Lugo.

Mencía e Rebeca co equipo Combinado Lucense alevín proclamáronse campionas vencendo ós conxuntos de Ensino, Mercedarias Ferrol e Pío XII de Santiago.

Ademáis, Carla Díaz proclamábase campiona tamén formando parte do Ensino de Lugo na categoría cadete.