Novas

A CASA DO CONCELLO ACOLLERÁ O DÍA 21 DESTE MES UNHA CHARLA SOBRE O PROCESO DE TRAMITACIÓN DE AXUDAS DIRIXIDAS A FOMENTAR A SILVICULTURA NOS MONTES

O Concello de Lourenzá organiza para o vindeiro martes, 21 de outubro, unha charla informativa para dar a coñecer aos veciños o proceso que deben levar a cabo se queren solicitar axudas para fomentar a silvicultura. Están tramitadas a través do Fondo Europeo Agrícola de Desenvolvemento Rural e ofrecen achegas de ata o 50% no investimento de particulares e comunidades de montes que efectúen traballos de poda ou roza forestal.

O CONCELLO ORGANIZA PARA O 7 DE NOVEMBRO UN OBRADOIRO DE CONSUMO RESPONSABLE DIRIXIDO A MOZ@S DE ENTRE 16 E 30 ANOS

A Concellería de Educación de Lourenzá mantén o prazo aberto para que tódolos mozos e mozas de entre 16 e 30 anos poidan inscribirse no curso Consumo xeito, que se levará a cabo o venres 7 de novembro no salón de actos da Casa do Concello. A actividade forma parte do Plan Activa de formación para a mocidade, posto en marcha pola Xunta de Galicia, e ten carácter gratuíto. Os interesados poden formalizar xa a súa inscrición en horario de 17:00 a 20:00 horas na biblioteca municipal.

18 VECIÑOS DE LOURENZÁ PARTICIPAN NUN CURSO DE INFORMÁTICA QUE SE DESENVOLVERÁ ATA O DÍA 30 DESTE MES

As dependencias da Casa da Xuventude de Lourenzá acollen dende onte un curso de informática organizado polo Concello e a asociación agraria Asaja. Nesta actividade formativa para traballadores agrícolas en activo e os seus fillos e cónxuxes, participan 18 veciños do municipio laurentino.

O curso, que rematará o día 30 deste mes, desenvólvese en horario de nove a doce da noite.