Novas

CO PREGÓN QUE ACABA DE PRONUNCIAR CARLOS ANDRÉS GONZÁLEZ PAZ, INVESTIGADOR DO INSTITUTO DE ESTUDIOS GALLEGOS PADRE SARMIENTO, DEU COMEZO A XXIV FESTA DA FABA. O EVENTO ENCHERÁ A VILA DE FESTA, GASTRONOMÍA, EXPOSICIÓNS E MÚSICA ATA O DOMINGO

Comezou esta en Lourenzá a XXIV Festa da Faba cun programa cheo de actividades, que se prolongarán ata vindeiro domingo, 5 de outubro. O evento iniciouse co pregón que pronunciou Carlos Andrés González Paz, investigador do Instituto de Estudios Gallegos Padre Sarmiento.

LOURENZÁ ARRANCA MAÑÁ COA CELEBRACIÓN DA SÚA XXIV EDICIÓN DA FESTA DA FABA. HABERÁ DEGUSTACIÓN DE TAPAS DE BALDE, VENTA DE FABAS E ARTESANÍA, OBRADOIROS E ACTUACIÓNS MUSICAIS

Mañá, venres 3 de outubro, arranca a XXIV Festa da Faba de Lourenzá, un evento gastronómico declarado Festa de Interese Turístico de Galicia. Faino cun programa repleto de actos que se iniciará coa lectura do pregón por parte do historiador Andrés González Paz. Será o venres, ás 20:00 horas no salón de actos do Concello. Ese mesmo día xa se poderán degustar as máis de 20 tapas gratuítas elaboradas polos establecementos hostaleiros laurentinos para esta edición.

LOURENZÁ ACOLLERÁ UN CURSO SOBRE INICIACIÓN Á CESTERÍA DENDE O DÍA 21 DESTE MES

Lourenzá, 1 de outubro de 2014. O Concello de Lourenzá, en colaboración co Centro de Artesanía e Deseño, organiza para os vindeiros meses de outono un curso de iniciación á cestería. A actividade comezará o día 21 deste mes, martes, e contará cun total de 38 horas lectivas, que serán impartidas en horario de 20:30 a 22:30 durante tódolos martes e mércores ata o 23 de decembro. As prazas están limitadas a 10 alumnos e o prezo da matrícula é de 19 euros.

O VIVEIRENSE FRANCISCO LÓPEZ LÓPEZ PROCLAMOUSE GAÑADOR DO XVIII CONCURSO FOTOGRÁFICO DA FESTA DA FABA DE LOURENZÁ

Na tarde de onte, martes 30 de setembro, reuniuse o xurado encargado de elixir o gañador do XVIII Concurso Fotográfico que se enmarca dentro das actividades da Festa da Faba de Lourenzá. Despois de valorar unha ducia de traballos recibidos dende toda Galicia e outras provincias españolas, o xurado decidiu finalmente adxudicar o premio desta edición ao viveirense Francisco López López pola súa serie de seis fotografías denominada A xoia de Lourenzá.