Novas

APARECERON TRES CABALOS SEN IDENTIFICACIÓN MORTOS, PRESUNTAMENTE POR DISPAROS DE RIFLE, NA PARROQUIA DE SAN ADRIANO. FOI DENUNCIADO NO CONCELLO, QUE LLO COMUNICOU AOS SERVIZOS VETERINARIOS DA XUNTA E AVISARON AO SEPRONA PARA QUE INVESTIGUE O OCORRIDO

Lourenzá, 8 de xaneiro de 2014. Un veciño denunciou hoxe no Concello de Lourenzá a aparición de tres cabalos sen identificación mortos, presuntamente por disparos de rifle, na parroquia de San Adriano, concretamente no lugar de Real. Dende o Concello comunicaron o ocorrido aos servizos veterinarios da Xunta de Galicia, que avisaron ao Seprona para que investigue o suceso. Xunto ás reses mortas había un poldro vivo, que será capturado e levado a unha explotación equina.

A COOPERATIVA PARA COMERCIALIZAR A FABA DE LOURENZÁ SERÁ CONSTITUÍDA NUNHA ASEMBLEA QUE SE CELEBRARÁ MAÑÁ, MÉRCORES, NA CASA DO CONCELLO. A ALCALDESA DESTACA A IMPORTANCIA DESTA INICIATIVA E LEMBRA AS XESTIÓNS REALIZADAS PARA A SÚA CREACIÓN

Lourenzá, 7 de xaneiro de 2014. A cooperativa para comercializar a Faba de Lourenzá será constituída nunha asemblea que se celebrará mañá, mércores, no salón de actos da Casa do Concello ás once da mañá. A alcaldesa, Emma Álvarez Chao, destaca a importancia desta iniciativa e lembra as xestións realizadas para a súa creación.

A CABALGATA DE REIS SAIRÁ DE SAN ADRIANO O DOMINGO ÁS 17 HORAS E FARÁ PARADAS EN SANTO TOMÉ E SAN XURXO ANTES DE CHEGAR A VILANOVA. ACIAL REPARTIRÁ CHOCOLATE QUENTE E ROSCÓN E TERÁ LUGAR A ESTREA DO GRUPO DE TEATRO INFANTIL DE LOURENZÁ

Lourenzá, 3 de xaneiro de 2014. A concelleira de Educación, Cultura e Turismo de Lourenzá, Lupe Flórez Seivane, deu a coñecer hoxe o programa definitivo de actividades que se levarán a cabo este domingo, día 5 de xaneiro, con motivo da cabalgata de Reis. Os Magos de Oriente sairán de San Adriano ás 17 horas e farán paradas en Santo Tomé e San Xurxo antes de chegar a Vilanova, onde ACIAL repartirá chocolate e roscón e terá lugar a estrea do grupo de teatro infantil de Lourenzá.