Novas | Concello de Lourenzá

AS TERCEIRAS XORNADAS DE HISTORIA LOCAL CELÉBRANSE MAÑÁ E O SÁBADO NO SALÓN DE ACTOS MUNICIPAL

A terceira edición das xornadas de historia local organizadas polo Concello de Lourenzá celebraranse mañá, venres, e o sábado no salón de actos municipal.

Mañá ás 19:00 horas proxectarase o documental Os días afogados, que foi Premio Mestre Mateo 2016. E rematará a primeira xornada coa conferencia Historia, mito e lenda do Conde Santo Osorio Gutiérrez, a cargo do historiador Carlos Andrés González Paz, que é doutor en Historia Medieval pola Universidade de Santiago de Compostela e desenvolve o seu labor investigador no Instituto de Estudos Galegos Padre Sarmiento.

MELLORAN VIARIOS MUNICIPAIS DAS CATRO PARROQUIAS DO CONCELLO CON MAQUINARIA DO PARQUE PROVINCIAL DA DEPUTACIÓN DE LUGO. AS OBRAS FORON SUPERVISADAS POLA ALCALDESA E OS CONCELLEIROS MERCEDES DENGRA E MARIO LEITÓN

Viarios municipais das catro parroquias do concello de Lourenzá están sendo mellorados con maquinaria do parque provincial da Deputación de Lugo. As obras foron supervisadas pola alcaldesa, Rocío López, e os concelleiros Mercedes Dengra e Mario Leitón.

ENTREGADOS OS PREMIOS DO CERTAME DE POESÍA DE NADAL ORGANIZADO POLA BIBLIOTECA MUNICIPAL DE LOURENZÁ

Onte, mércores, tivo lugar a entrega de premios do Certame de Poesía de Nadal organizado pola Biblioteca Municipal de Lourenzá.

No acto participaron a alcaldesa, Rocío López; o concelleiro de Cultura, Manuel Arango; a educadora familiar María Dolores Villasuso; e a técnica de Cultura María José López.

A relación de galardoados é a seguinte:

Categoría A:

Iria Álvarez Valea, de 8 anos

PRESENTADAS AS III XORNADAS DE HISTORIA LOCAL DE LOURENZÁ, QUE SE CELEBRARÁN OS DÍAS 15 E 16 DE FEBREIRO

A alcaldesa, Rocío López, e o concelleiro de Cultura, Manuel Arango, presentaron as III Xornadas de Historia Local de Lourenzá, que se celebrarán os días 15 e 16 de febreiro.

O CONCELLO ORGANIZA UN PROGRAMA DE DINAMIZACIÓN DAS PARROQUIAS, QUE SE DESENVOLVERÁ DESDE FEBREIRO ATA MAIO. HABERÁ ACTIVIDADES DE NOVAS TECNOLOXÍAS, XIMNASIA DE MANTEMENTO, PILATES, MANUALIDADES E ARTES DECORATIVAS

O Concello de Lourenzá organiza un programa de dinamización das parroquias, que se desenvolverá desde febreiro ata maio. Haberá actividades de novas tecnoloxías, ximnasia de mantemento, pilates, manualidades e artes decorativas. O prazo de inscrición abriuse hoxe e rematará o 8 de febreiro.