A celebración do Domingo de Piñata en Lourenzá, co desfile de Entroido, ocasionará cambios no tráfico este día. Así o anuncia a alcaldesa, Rocío López García, a través dun bando.
O Concello de Lourenzá, a través da Delegación Municipal de Cultura, felicita a Claudia Carril Cabaleiro, alumna do CEIP Juan Rey, porque ven de acadar o primeiro premio de poesía de Nadal no certame provincial da Biblioteca Nodal de Lugo. Claudia Carril participou na categoría B (de 9 a 11 anos) co poema titulado Promesas de Nadal e recibiu como premio unha figura de Sargadelos, un lote de libros e un diploma acreditativo do galardón.
O salón de actos da Casa do Concello de Lourenzá acollerá unha charla sobre a praga da couza da pataca o vindeiro mércores, día 1 de marzo, ás 12 do mediodía. Nesta sesión informativa intervirán técnicos da Consellería do Medio Rural, da Xunta de Galicia.
O salón de actos da Casa do Concello acollerá mañá, mércores, día 22 de febreiro, ás oito da tarde unha charla informativa organizada pola asociación Terras de Miranda para difundir o programa Leader 2014-2020 no territorio deste grupo de desenvolvemento rural (GDR), no que está o municipio de Lourenzá.
Lourenzá acollerá unha reunión informativa sobre a problemática que afecta ás plantacións de patacas neste concello, como noutros moitos da zona. Así o manifestou a alcaldesa, Rocío López, que tamén aclarou que os veciños e veciñas que preguntaron por este asunto xa recibiron explicacións.
Galego
Español