Novas

A ALCADESA INAUGUROU O CURSO DE CESTERÍA DE RECICLAXE PARA ADULTOS, NO QUE HAI 11 PARTICIPANTES

A alcaldesa de Lourenzá, Rocío López, inaugurou o curso de cestería de reciclaxe para adultos, que empezou onte con 11 participantes.

A rexedora explicou que “terá lugar todos os luns de catro a sete e media da tarde na Casa da Xuventude e prolongaranse ata o 19 de decembro. Nesta primeira clase os asistentes comezaron por aprender as técnicas básicas para elaborar un cesto a partires de follas de periódico e revistas. É incrible ver como dun simple periódico pode saír un cesto para a roupa ou incluso un lapiseiro”.

A CASA DA XUVENTUDE ACOLLERÁ UN CURSO DE CESTERÍA DE RECICLAXE PARA ADULTOS. A INSCRICIÓN É GRATUÍTA E O PRAZO REMATA ESTE VENRES 11

A Casa da Xuventude de Lourenzá acollerá un curso de cestería de reciclaxe. Esta actividade, que está destinada a persoas adultas, desenvolverase os luns de catro a sete e media da tarde desde o día 14 deste mes de novembro ata o 19 de decembro. A inscrición e gratuíta e o prazo remata este venres, día 11.

Os interesados en participar deben apuntarse nas oficinas da Casa do Concello de Lourenzá ou chamando ao teléfono 982.12.10.06. Para que se celebre o curso é necesario que haxa un mínimo de once persoas inscritas.

COMEZOU O SEGUNDO CAMPIONATO DE PARCHÍS PARA ADULTOS ORGANIZADO POLA CONCELLERÍA DE CULTURA, QUE CONTA CON 8 PARELLAS PARTICIPANTES

A segunda edición do campionato de parchís para adultos organizado pola Delegación de Cultura do Concello de Lourenzá, que conta coa participación de oito parellas, acaba de comezar. As partidas dispútanse todos os xoves a partir das cinco da tarde na biblioteca municipal.

A alcaldesa, Rocío López, manifestou hoxe que está “agradecida pola boa acollida que teñen actividades deste tipo, como alternativa ao tempo libre dos veciños e veciñas”.