Novas | Concello de Lourenzá

O CONCELLO PROGRAMA ACTIVIDADES PARA CELEBRAR O DÍA DO LIBRO NA BIBLIOTECA MUNICIPAL E NO CENTRO DE DÍA PARA MAIORES O 22 DESTE MES

O Concello de Lourenzá programa diversas actividades para celebrar o Día do Libro na biblioteca municipal e no centro de día para maiores na xornada do 22 deste mes, venres.

Ás 12 do mediodía na biblioteca municipal haberá o espectáculo infantil Bibliocanta, a cargo de Chío Couto Rendo. Esta actividade forma parte do programa Ler conta moito, da Xunta de Galicia.

E ás catro e media da tarde no centro de día terán lugar lecturas musicadas da obra do escritor Manuel María.

ACIAL E O CONCELLO ORGANIZAN UN CONCURSO INFANTIL DE POSTAIS PARA CELEBRAR O DÍA DA NAI. O PRAZO DE PRESENTACIÓN DE TRABALLOS NA BIBLIOTECA MUNICIPAL REMATA O DÍA 25 DESTE MES

A Asociación de Comerciantes, Industriais e Autónomos de Lourenzá (ACIAL) e o Concello organizan un concurso infantil de postais para celebrar o Día da Nai co lema Unha postal para mamá. O prazo de presentación dos traballos na Biblioteca Municipal remata o día 25 deste mes.

A ALCALDESA CONVOCA UNHA REUNIÓN PARA INFORMAR SOBRE A RECUPERACIÓN DO DENOMINADO MERCADO DAS PRAZAS, QUE SE CELEBRABA OS DOMINGOS EN VILANOVA. A XUNTANZA TERÁ LUGAR NO SALÓN DE ACTOS DO CONCELLO O DÍA 15 DESTE MES

A alcaldesa de Lourenzá, Rocío López, convoca unha reunión para informar sobre a recuperación do denominado Mercado das Prazas, que se celebraba os domingos en Vilanova. A xuntanza terá lugar no salón de actos da Casa do Concello o día 15 deste mes, venres, ás 21 horas.

A BIBLIOTECA MUNICIPAL SUMASE ÓS ACTOS DE CELEBRACIÓN DO DÍA INTERNACIONAL DO LIBRO INFANTIL E XUVENIL, QUE SE CONMEMORA MAÑÁ, SÁBADO

O Concello de Lourenzá, a través da biblioteca pública, súmase ós actos do Día Internacional do Libro Infantil e Xuvenil mañá, sábado, 2 de abril, xornada na que se conmemora o nacemento do escritor Hans Christian Andersen.

DOUS CURSOS DE APLICADOR DE PRODUTOS FITOSANITARIOS ORGANIZADOS POLO CONCELLO EMPEZAN MAÑÁ CON 60 PARTICIPANTES. ALGUNHAS PERSOAS QUEDARON EN LISTA DE ESPERA PARA OUTRO QUE SE CELEBRARÁ NOS VINDEIROS MESES

Dous cursos de aplicador de produtos fitosanitarios organizados polo Concello de Lourenzá empezan mañá, sábado, día 2. Contan con un total 60 participantes, 30 en cada un, polo que se cubriron todas as prazas que había. Ademais quedaron algunhas persoas en lista de espera para outra actividade formativa dedicada a este mesmo tema que se celebrará en Lourenzá nos vindeiros meses e para o que se seguen recollendo inscricións.