Novas

O CONCELLO ULTIMA OS PREPARATIVOS PARA A 25ª FESTA DA FABA, NA QUE HABERÁ DEGUSTACIÓNS, MERCADOS, PREGÓN, EXPOSICIÓNS, COMPETICIÓNS DEPORTIVAS, ACTUACIÓNS MUSICAIS, RUTA DE TAPAS E OUTRAS ACTIVIDADES ESTA FIN DE SEMANA.

Lourenzá, 29 de setembro de 2015. O Concello de Lourenzá está ultimando os preparativos para a celebración da 25ª edición da Festa da Faba esta fin de semana, do venres 2 ao domingo 4. Durante estes tres días haberá numerosas actividades, como degustacións, mercados, pregón, exposición, competicións deportivas, actuacións musicais e ruta de tapas nos establecementos hostaleiros da vila.

PRESENTOUSE HOXE O CARTEL DA XXV FESTA DA FABA, OBRA DO ARTISTA ALFOCENSE HIPÓLITO XEADA. O FESTEXO, QUE SE CELEBRARÁ DO 2 AO 4 DE OUTUBRO, SERÁ PREGOADO POLOS LAURENTINOS XOSÉ LÓPEZ GONZÁLEZ E JOSE MARÍA GARCÍA FERNÁNDEZ

O cartel da XXV edición da Festa da Faba de Lourenzá, obra do artista alfocense Hipólixo Xeada, foi presentado hoxe pola alcaldesa, Rocío López García; o concelleiro de Cultura, Manuel Arango Ron; e o edil de Festas, Francisco Dasilva Rivas. O festexo, que se celebrará do 2 ao 4 de outubro, será pregoado polos laurentinos Xosé López González e José María García Fernández. Ademais o goberno local anunciou hoxe que o primeiro mercado semanal de venta de fabas desta tempada desenvolverase o vindeiro domingo, día 27.

A CORPORACIÓN MUNICIPAL APROBOU UN REGULAMENTO DE PARTICIPACIÓN CIDADÁ, O QUE PERMITIRÁ QUE OS VECIÑOS TEÑAN VOZ NOS PLENOS

A corporación municipal de Lourenzá aprobou un regulamento de participación cidadá na sesión ordinaria celebrada onte, xoves. Isto permitirá que os veciños teñan voz nos plenos, segundo destacou a alcaldesa, Rocío López.

A rexedora explicou que “o máis importante deste regulamento é a creación de comisións veciñais en todas as parroquias e normas de funcionamento das asembleas veciñais. Tamén recolle a creación dun rexistro municipal de asociacións e as liñas básicas da información municipal”.