Novas

Lourenzá, 21 de novembro de 2013. O Concello de Lourenzá instalou na súa páxina web un calendario no que se inclúen os actos que hai cada día no municipio. A alcaldesa, Emma Álvarez Chao, pide a colaboración dos colectivos locais para que aparezan as actividades que organizan todos eles.

Lourenzá, 20 de novembro de 2013. O Concello de Lourenzá promove a creación dun grupo de veciños para participar conxuntamente nun programa termal do Imserso no balneario de Pantón, viaxe que se fará no primeiro trimestre do vindeiro ano 2014. Esta iniciativa xurdiu durante a excursión á Ribeira Sacra que fixeron onte medio cento de laurentinos, a maior parte deles participantes no taller de memoria. Anunciouno hoxe a alcaldesa, Emma Álvarez Chao.

O pasado sábado tivo lugar no mercado de Lourenzá a cea baile para conmemorar o X aniversario da nova era do equipo de fútbol sénior das ED. Lourenzá.

Lourenzá, 19 de novembro de 2013. As actividades do ano dedicado polo Concello de Lourenzá a Francisco Fernández del Riego rematarán o vindeiro martes, día 26, coa inauguración dunha exposición e unha loa a don Paco diante do seu busto a cargo do secretario xeral de Cultura da Xunta, Anxo Lorenzo.

Lourenzá, 18 de novembro de 2013. O Concello de Lourenzá conmemorará o próximo luns, 25 de novembro, o día internacional contra a violencia de xénero coa recollida de firmas, a colocación dun lazo malva, a presentación do plan municipal de igualdade e unha marcha polas rúas, que rematará coa lectura dun manifesto e a solta de globos malvas e brancos. Anunciouno hoxe a alcaldesa, Emma Álvarez Chao.

Lourenzá, 18 de novembro de 2013. Despois do éxito de público nas dúas obras representadas este mes no salón de actos da Casa da Cultura de Lourenzá, que estivo abarrotado de espectadores, o Concello organizará outro ciclo de teatro para comezos do vindeiro ano 2014.

Santiago de Compostela, 14 de novembro de 2013.- A Subdireción Xeral de Cooperativas e Economía Social da Consellería de Traballo e Benestar está a promover a constitución dunha cooperativa especializada na comercialización da faba amparada baixo a IXP Faba de Lourenzá e outros produtos de horta da Mariña lucense co obxectivo de poñer en valor este produto, obviando a intervención de intermediarios, e sendo comercializado polos propios produtores, a prezos de mercado coherentes, transparentes e non especulativos.

Lourenzá, 14 de novembro de 2013. O sistema para escorrentar as pombas instalado na igrexa de Santa María de Valdeflores, no conxunto histórico do mosteiro de San Salvador, será retirado pola súa escasa efectividade. O Concello de Lourenzá e a Diocese Mondoñedo-Ferrol tomaron esa decisión e tamén a de colocar púas nalgunhas zonas da fachada do edificio, para o que xa solicitaron permiso a Patrimonio.

Lourenzá, 13 de novembro de 2013. O Concello de Lourenzá porá en marcha un plan de igualdade de oportunidades entre homes e mulleres, que se someterá a aprobación no pleno da corporación municipal convocado para este venres, día 15, ás 12:30 horas. Na sesión abordarase tamén a imposición de multas aos que non recollan os excrementos das súas mascotas en espazos públicos.

As categorías alevín masculino e feminino así como as benxamín masculino e feminino estivemos en Vigo (Balaídos) o pasado sábado dia 9 de novembro para participar na II Liga Escolar Federada que organizou a Federación Galega de Atletismo e que terá continuación o dia 30 en Lugo. Ésta é a primeira vez que participa o clube no que cada proba ten que ser cuberta por dous atletas e un atleta non pode ir a máis de duas probas.

Os resultados son os seguintes:

ALEVÍN MASCULINO: Mario Pardo (10º en 60 ml. / 7º em 500)

Nicolás Álvarez(3º em 1000, 4º en altura)