Dende o día de hoxe está aberto o prazo de inscripción das Escolas Deportivas para a temporada 2015 - 2016 e finalizará o mércores día 23 de setembro.
Os alumn@s das Escolas por 6 euros ó mes poden anotarse en todas as actividades que se ofertan, que un ano máis van dende o fútbol, fútbol sala, campo a través, atletismo, baloncesto, bádminton, tenis de mesa ata o patinaxe artístico.
Lourenzá, 3 de agosto de 2015. O Punto de Atención á Infancia (PAI) Meniños, de Lourenzá, festexou o pasado venres a festa de fin de curso cunha tarde de xogos e merenda na que participaron os nenos e nenas do centro, así como as familias e as educadoras. Aínda que o lugar previsto para a festa era a área recreativa da Cazolga, o mal tempo non o permitiu e o acto tivo que trasladarse ao recinto feiral de Lourenzá.
Lourenzá, 30 de xullo de 2015. O pazo de Tovar, en San Tomé de Lourenzá, será este próximo domingo, 2 de agosto o escenario da presentación da obra titulada Catalina de Santisso, unha novela histórica de Aurora García Rivas. A cita será ás 19:30 horas e o lugar escollido non é casual, xa que parte da acción da novela transcorre no propio Pazo de Tovar no século XVI.
O curso de técnicas de estudo organizado pola Concellería de Educación de Lourenzá e impartido por Espazo Garabatos comezou o pasado luns, 27 de xullo, con todas as súas prazas completas. Así o explicou a alcaldesa de Lourenzá, Rocío López García, que presentou esta actividade acompañada do concelleiro de Educación e Cultura, Manuel Arango Ron. A formación está dirixida a nenos e nenas entre os 10 e os 14 anos e impártese os luns, mércores e venres en sesións de hora e media, ao longo de 10 sesións.
A terceira temporada do primeiro equipo de basket das Escolas que milita en Categoría Nacional será co nome deportivo de MoranGrupo, empresa afincada en Mondoñedo e que engloba diferentes ramas do transporte; dende buses e microbuses, aluguer de vehículos, transporte sanitario.... que colabora dende fai varios anos co deporte de A Mariña e agora o fará tamén co deporte do baloncesto feminino en particular.
No día de onte firmouse o convenio de renovación entre o presidente das Escolas D. Pablo Maseda e o representante de Construcciones Augacons D. Juan López. Éste será o segundo ano consecutivo como patrocinador en exclusiva do 1º equipo de fútbol e o sexto onde colabora directamente como patrocinador das Escolas Deportivas.
Sta. Cruz acolle mañá xoves día 23 a posta en escea do proxecto das Escolas Deportivas para a 1ª Autonómica despois do paso fugaz pola 2ª autonómica. Ás 20:30 horas está convocado o plantel do primeiro equipo así como o corpo técnico do mesmo. Asistirán a Alcaldesa de Lourenzá Rocío López, o Concelleiro de Deportes Francisco Dasilva e o Presidente das Escolas Pablo Maseda; así como o resto de directivos do clube e público en xeral.
Gran día de btt para o ED Lourenza Ciclismo no desafio ruta da auga de Betanzos xa que os nosos ciclistas traerían dous trofeos para A Mariña , nesta ocasión hasta Betanzos acercarianse seis corredores do equipo , tres para facer o maratón de competición Javier Peixe, Isabel Picoaga López, Javi Tarangu , e tres para a marcha cicloturista Jorge Doural Gomez , Jose José Ramón Reges , Miguel Rubal Oubiña .
Galego
Español