Novas

Os 67 concellos da provincia de Lugo comezarán a recibir no mes de abril o primeiro pago correspondente ás axudas destinadas para financiar o Servizo de Axuda no Fogar de dependencia (SAF de dependencia). Así o indicou hoxe a delegada territorial da Xunta en Lugo, Raquel Arias, no marco da visita que realizou ao centro de día de Lourenzá. Segundo sinalou a delegada, este concepto que se financia correspóndense co primeiro trimestre do 2014.

 O domingo pasado á mañá foi proveitoso para os atletas das E.D. Lourenzá Mondoñedo:
Carmen López e Arabela Martínez lograban a primeira e segunda posición na carreira solidaria de Baleira, Ana Vallines añadía unha nova medalla de prata ó seu currículum en Oviñana(Cudillero-Asturias) mentres o seu irmán Fernando obtiña a 4ª posición; e Manuel Folgueira competía en Cacheiras(Teo) nunha carreira popular na provincia de A Coruña entrando entre os 40 primeiros da xeral. Noraboa, a seguir traballando!!!

A alcaldesa de Lourenzá, Emma Álvarez Chao, fai público hoxe o pesar dos veciños e veciñas do concello polo pasamento de Adolfo Suárez.

O obradoiro sobre desigualdade de xénero organizado polo Concello de Lourenzá dentro dos actos para conmemorar o Día da Muller contou cunha vintena de participantes.

A charla correu a cargo dunha representante da ong Mundo Cooperante, que centrou a súa intervención en informar e sensibilizar acerca da mutilación xenital feminina, unha lacra que sofren 140 millóns de mulleres e nenas.

Este pasado domingo a Asociación de Sendeirismo Terras de Lourenzá botouse a andar pola Senda Costeira, no tramo de Tapia de Casariego-Figueras. Un tramo de 15 km no que os máis de 40 camiñantes disfrutamos dunha fermosa paisaxe ao que tamén axudou o dia soleado que tivemos.

O Concello de Lourenzá fará unha campaña de captación de voluntarios para a agrupación local de Protección Civil, que está formada actualmente por 11 persoas. Esta iniciativa acordouse nunha reunión da alcaldesa, Emma Álvarez Chao, cunha representación da directiva da agrupación, xuntanza na que tamén se analizaron os fallos que houbo durante o operativo do Domingo de Piñata, polos que piden desculpas.

Para celebrar o Día da Muller o CEIP Juan Rey, de Lourenzá, acolle unha exposición, o pasado luns unha houbo unha charla para os alumnos de 3º, 4º, 5º e 6º de Primaria e mañá, xoves, terá lugar outra para os de Infantil, de 3, 4 e 5 anos, e tamén para os de 1º e 2º de Primaria. Ademais tamén mañá, pero neste caso no salón de actos da Casa do Concello ás cinco da tarde, desenvolverase un obradoiro sobre desigualdade de xénero.

O departamento de Servizos Sociais do Concello de Lourenzá tramita ata o 26 de abril as solicitudes das axudas establecidas pola Xunta de Galicia para familias con fillos menores de tres anos.
A alcaldesa, Emma Álvarez Chao, anunciou hoxe que “ata o vindeiro 26 de abril o Concello de Lourenzá a través dos Servizos Sociais, que están situados no Torreón dos Frades, tramitará as axudas para a prestación económica de pago único por fillo a cargo menor de 3 anos. Estas axudas foron publicadas na orde do pasado 11 de marzo”.

O Concello de Lourenzá repartirá 20 composteiros entre os veciños interesados en participar nunha nova campaña de compostaxe doméstica promovida pola Mancomunidade de Concellos da Mariña Lucense a través dun convenio con Sogama. Anunciouno a alcaldesa, Emma Álvarez Chao, a través dun bando que fixo público hoxe.