Novas

A BIBLIOTECA MUNICIPAL CONVOCA O CERTAME DE NARRACIÓN E DEBUXO INFANTIL LETRAS GALEGAS 2014. PODEN PARTICIPAR NEN@S E RAPACES DE ATA 16 ANOS E O PRAZO PARA PRESENTAR OS TRABALLOS REMATA O 9 DE MAIO

A biblioteca pública municipal de Lourenzá convoca a fase local do certame de narración e debuxo Letras Galegas 2014, no que poden participar nen@s e rapaces de ata 16 anos. O prazo para presentar os traballos remata o día 9 de maio.
A tema proposto nesta edición do certame é Cociñando Contos e hai tres categorías: ata 8 anos, de 9 a 11 anos e de 12 a 16 anos. O fallo do xurado local farase público antes do Día das Letras Galegas.

OS CONCELLOS DE ALFOZ, BARREIROS, LOURENZÁ E TRABADA SACARÁN A CONCURSO A XESTIÓN CONXUNTA DOS RESIDUOS EN BASE AO ESTUDO ELABORADO E PRESENTADO HOXE POR DOUS PROFESORES DA UNIVERSIDADE DE SANTIAGO

Os concellos de Alfoz, Barreiros, Lourenzá e Trabada sacarán a concurso a xestión conxunta dos residuos en base ao estudo elaborado e presentado hoxe en Vilanova de Lourenzá polos profesores do Departamento de Economía Aplicada da Universidade de Santiago José Atilano Pena López e José Manuel Sánchez Santos.

O RECINTO FEIRAL ACOLLE A PRIMEIRA FESTA DEDICADA ÁS FABAS DE LOURENZÁ CON CALLOS MAÑÁ, XOVES SANTO. ESTÁ ORGANIZADA POLA COMISIÓN DE FESTAS DE SANTA CRUZ E HOXE É O ÚLTIMO DÍA PARA COMPRAR AS ENTRADAS EN VENDA ANTICIPADA

O recinto feiral de Vilanova acollerá a primeira festa gastronómica dedicada ás fabas de Lourenzá con callos mañá, Xoves Santo, a partir das 21:30 horas. Este evento está organizado pola comisión de festas de Santa Cruz e hoxe é o último día para comprar as entradas en venda anticipada, lembrou a alcaldesa, Emma Álvarez Chao.