Noticias

Lourenzá, 16 de novembro de 2012. O Concello de Lourenzá está levando a cabo obras para mellorar viais en varias parroquias do municipio. O investimento total destas actuacións ascende a 54.987 euros con cargo ao plan PEIM e están a punto de rematar. O concelleiro de Obras, Dino Vidal, está supervisando a execución dos traballos e explicou que “se están levando a cabo asfaltados, reparacións e limpeza de cunetas”.

Lourenzá, 15 de novembro de 2012. A modificación das ordenanzas fiscais para o vindeiro ano 2013 someterase a aprobación no pleno da corporación municipal de Lourenzá que está convocado para o luns, día 19, ás doce e media do mediodía.

Lourenzá, 15 de novembro de 2012. A Concellería de Cultura, a través da biblioteca pública municipal Juana de Ibarbourou, convoca a fase local do certame de poesía infantil Nadal 2012. Anunciouno a concelleira Lupe Flórez Seivane.

Operarios do Concello de Lourenzá recolleron un can que se atopaba abandoado polas rúas da localidade. O animal atópase en dependencias municipais á espera de que o seu dono o recolla ou en caso contrario se queira facer cargo del calqueroutra persoa que estea disposta a acollelo e coidalo.

Lourenzá, 13 de novembro de 2012. O Concello de Lourenzá acaba de poñer en marcha contas institucionais nas redes sociais facebook e twitter, ás que se pode acceder a través da páxina web municipal na que tamén haberá espazos para as asociacións locais.

Lourenzá, 13 de novembro de 2012. O salón de actos do Concello de Lourenzá acollerá este venres, día 16 de novembro, ás cinco da tarde unha reunión con gandeiros e produtores de faba de toda a comarca para informarlles sobre os requisitos que esixe a PAC para o cobro das subvencións anuais no referido á recuperación dos envases baleiros de produtos fitosanitarios . O acto está organizado pola Axencia de Extensión Agraria.

Onte domingo tivo lugar en Lourenzá a presentación oficial da sección de ciclismo das Escolas Deportivas laurentinas. Ao acto acudiron a alcaldesa, Emma Álvarez, e o presidente das Escolas Deportivas e concelleiro de Deportes, Pablo Maseda, así como directivos do clube e patrocinadores. Despois dunha breve ruta pola zona a sección de ciclismo rematou a xornada cun xantar no restaurante Baos.

Lourenzá, 10 de novembro de 2012. A Concellería de Cultura organiza o xa tradicional ciclo de outono teatral que cada ano se desenvolve por estas datas en Lourenzá.

A charla informativa terá lugar o vindeiro mércores día 17 de Febreiro a partir das 20:00 horas no Salón de Actos do Concello.

Lourenzá, 13 de Febreiro do 2010.- Con motivo da recente publicación no DOG do día 2 de febreiro do anuncio do concurso da venda de parcelas da 2ª fase no parque empresarial de Lourenzá o Concello de Lourenzá organiza unha charla informativa para dar a coñecer o Prego das bases que rexerá este concurso.