O salón de actos da Casa do Concello de Lourenzá estivo onte, domingo, ateigado de público que asistiu ao concerto do Grupo de Acordeóns do Conservatorio Profesional de Música de Viveiro, formación dirixida polo laurentino Lino Rico e que conta con músicos de 8 a 80 anos de idade. A actuación foi organizada pola comisión de festas de Santa Cruz 2014 coa colaboración do Concello de Lourenzá.
O concello de Lourenzá acolleu un taller de prevención de riscos laborais en explotacións de horta, actividade promovida polo Instituto Galego de Seguridade e Saúde Laboral (ISSGA), da Consellería de Traballo e Benestar, da Xunta de Galicia. Participaron unha vintena de persoas, titulares de explotacións gandeiras e de horta, que abordaron os perigos máis frecuentes aos que se soen afrontar no seu día a día para tratar de poñerlles solución, coa axuda dunha técnica en prevención de riscos laborais.
O Concello de Lourenzá celebrou o Día do Libro cos alumnos do CEIP Juan Rey, que asistiron onte a un espectáculo para fomentar a lectura.
A Madalena para o Desfile do Maio que se celebrará o vindeiro día 1 polas rúas de Vilanova de Lourenzá elixirase nesta ocasión por sorteo entre as nenas e rapazas do concello con idades comprendidas entre 10 e 17 que se presenten. O prazo remata este venres, 25 de abril.
A biblioteca pública municipal de Lourenzá convoca a fase local do certame de narración e debuxo Letras Galegas 2014, no que poden participar nen@s e rapaces de ata 16 anos. O prazo para presentar os traballos remata o día 9 de maio.
A tema proposto nesta edición do certame é Cociñando Contos e hai tres categorías: ata 8 anos, de 9 a 11 anos e de 12 a 16 anos. O fallo do xurado local farase público antes do Día das Letras Galegas.
Trofeos acadados na disputa deste XI TORNEO DE BASKET LOURENZA EN XOGO 2014, e así recoñecemos o CINCO IDEAL da categoría INFANTIL, elexido polos adestradores dos equipos coa súa votación tras cada partido.
CINCO IDEAL:
Os concellos de Alfoz, Barreiros, Lourenzá e Trabada sacarán a concurso a xestión conxunta dos residuos en base ao estudo elaborado e presentado hoxe en Vilanova de Lourenzá polos profesores do Departamento de Economía Aplicada da Universidade de Santiago José Atilano Pena López e José Manuel Sánchez Santos.
O recinto feiral de Vilanova acollerá a primeira festa gastronómica dedicada ás fabas de Lourenzá con callos mañá, Xoves Santo, a partir das 21:30 horas. Este evento está organizado pola comisión de festas de Santa Cruz e hoxe é o último día para comprar as entradas en venda anticipada, lembrou a alcaldesa, Emma Álvarez Chao.
A traballadora social do Concello de Lourenzá tramita as solicitudes dos veciños do municipio para participar no programa de Benestar en Balnearios 2014 organizado pola Xunta de Galicia.
A alcaldesa, Emma Álvarez Chao, explicou que “na tarde de onte mantivemos unha xuntanza da comisión de seguimento para a creación do escudo e da bandeira que represente ao Concello de Lourenzá. Nesta reunión estiveron presentes Eduardo Pardo de Guevara, que é o vicepresidente da Comisión Heráldica e a maiores é o delegado do CSIC en Galicia e director do Instituto Padre Sarmiento; Alberto Pazos, que é o director xeral de Administración Local e presidente da Comisión Heráldica de Galicia; e tamén Pablo Otero, que é vocal da mesma comisión.
Galego
Español