O Concello de Lourenzá tramita as solicitudes dos veciños interesados en participar no programa de termalismo social para maiores Imserso 2014/15 e no de termalismo na provincia de Ourense.
O Concello de Lourenzá homenaxeou aos atletas das escolas deportivas municipais que lograron medallas nos campionatos galegos de campo a través e de pista cuberta.
A Asociación de Sendeirismo Terras de Lourenzá organiza unha nova andaina, desta vez un tanto especial. Trátase da Romaría da Santa Cruz, unha ruta duns 15 km dende o Santo Estebo do Ermo ata a Capela da Santa Cruz. Como broche final á ruta, disfrutarase dunha comida campestre no campo da festa por un módico prezo de 15 €.
Todos os integrantes do ED.Lourenza.ciclismo remataron a proba menos Jesus Garcia Muruais porproblemas físicos polo kilómetro 55 , e Jorge Doural Gomez que non puido participar por lesión; con unha gran actuación de Javier Legide rematando entre os 10 primeiros da xeral.
Na modalidad de duatlon Jose Luis Falcon Irigoyen acadou un meritorio 14º puesto con un tempo de 6 h 57 .
A sección de atletismo estivo representada na "101 Peregrinos" o pasado sábado día 3 de maio por Martín Pardiñas, todo un fenómeno que entrou na meta en 5 horas e media despois de percorrer 48 kilómetros entre os 11 primeiros da xeral.
As rúas avenida de Mondoñedo, Avenida do Val e Travesía da Mariña, de Vilanova de Lourenzá, estarán cortadas ao tráfico o vindeiro luns, 5 de maio, de 8 a 15 horas con motivo das obras de arranxo dun paso de peóns na Travesía da Mariña.
A alcaldesa, Emma Álvarez Chao, deuno a coñecer a través dun bando, no que tamén anuncia que ese día a parada de autobuses estará situada no cruce das rúas Travesía da Mariña e Calvo Sotelo, xunto ao Bar Cabaleiros.
As boas condicións meteorolóxicas axudaron para que a Festa do Maio celebrada onte en Vilanova de Lourenzá contara con moita afluencia de público.
A concelleira de Cultura, Lupe Flórez Seivane, agradeceu “a colaboración desinteresada dos veciños que participaron o mércores na ornamentación do Maio e o carro e onte agasallando con lambetadas aos nenos e nenas que acompañaban o desfile. Tamén aos membros da Escola Municipal de Música e Danza Osorio Gutiérrez, que animaron o percorrido coa súa música e cantos”.
Os vindeiros 10 e 11 de Maio disputarase no Pavillón Municipal de Lourenzá o Play Off de Ascenso para buscar unha praza entre os equipos clasificados do 2º ó 5º que dispute o Ascenso a Nacional xunto co Universidade de Salamanca.
O sábado 10 de maio serán as semifinais ás 17:00 e 19:00 horas.
O domingo 11 de mario será a final ás 12:30 horas e o 3º/4º posto ás 10:30 horas.
Tan pronto teñamos o luns os emparexamentos serán publicados!!!
O Venres día 30 de maio Lourenzá vestirase de gala para acoller a saída e a primeira etapa da Volta Ciclista ás Comarcas. A presentación de equipos será no Cantón ás 12:30, a saída está programada para as 14:00 horas e a chegada está prevista tamén no Cantón ó redor das 17:30 horas.
Este pasado sábado día 27 a Asociación de Sendeirismo Terras de Lourenzá viaxou ata o Concello de Riveira para disfrutar da Ruta do Faro. A ruta discorreu dende o Dolmen de Axeitos ata o Faro de Corrubedo un percorrido duns 12 km cunhas vistas espectaculares, unha combinación de monte e mar que permite disfrutar da natureza no seu estado máis puro. Logo de repoñer forzas nun restaurante da zona, subimos ata a Pedra da Ra para volver a disfrutar doutras espectaculares vistas.
Galego
Español