Novas

Lourenzá, 21 de febrero de 2014. As instalacións deportivas do Concello de Lourenzá contan con novo equipamento, material que se utilizará fundamentalmente para a practica do atletismo. Foi supervisado hoxe polo responsable provincial da Secretaría Xeral para o Deporte da Xunta de Galicia, Manuel Otero Cadramón, que estivo acompañado pola alcaldesa, Emma Álvarez Chao.

O atletismo ten cada vez máis practicantes en Lourenzá e as escolas deportivas municipais están logrando numerosos éxitos nas probas en que participan nos últimos tempos.

Nova a través de E.d. Lourenzá Ciclismo: "Gran día de btt do que disfrutamos en foz na ruta pico da lebre , nun recorrido bonito e moi traballado pola xente do Club Ciclista Foz , que fixo as delicias dos 13 participantes do E.D.lourenza.ciclismo . Destacar a gran actuación de Paco quedando no 10 posto da xeral a pesar de facer unhos kilómetros de mais o perderse nun cruce nas primeiros zonas do recorrido , destacar tamén a Basanta posto 29 , e a Juan Jose Longarela Garcia posto 35."

Enviamos os resultados dos atletas da sección que se desplazaron o pasado domingo día 16 de febreiro a Lugo para participar nunha nova corre con nós, con especial protagonismo para Ana e Ainara que unha vez máis volveron a estar no máis alto do pódium.

Lourenzá, 18 de febreiro de 2014. A viaxe á neve e iniciación ao esquí organizada polo Concello de Lourenzá para o día 5 de marzo, Mércores de Cinza, na estación asturiana de Fuentes de Invierno xa conta cunha vintena de persoas inscritas. O prazo para apuntarse remata o día 27 deste mes.

Lourenzá, 17 de febreiro de 2014. A representación teatral a cargo de Trípode abarrotou onte, domingo, o salón de actos do Concello de Lourenzá, que este vindeiro domingo, día 23, ás sete da tarde acollerá a última obra do ciclo Febreiro teatreiro. A compañía O Batán, de Cangas de Foz, ofrecerá a obra Cambadelas. O prezo da entrada é de un euro.

Lourenzá, 14 de febreiro de 2014. O desfile do Domingo de Piñata, que é o acto principal do Entroido de Lourenzá, cambiará o sentido do percorrido aínda que irá polas mesmas rúas que en anos anteriores. Repartiranse 4.675 euros entre todos os premios que se entregarán. Celebrarase o domingo 9 de marzo e da organización encárgase a asociación de comerciantes, industriais, servizos e autónomos de Lourenzá (ACIAL) e o Concello, que presentaron os actos hoxe.

Máis de 40 persoas participaron na charla celebrada hoxe, xoves, no salón de actos do Concello de Lourenzá dentro da campaña de prevención de atropelos a peóns. Correu a cargo de efectivos da Garda Civil, que explicaron as pautas para pasear coas axeitadas medidas de visibilidade e seguridade, co fin de evitar atropelos nos distintos tipos de estradas.

Lourenzá, 12 de febreiro de 2014. O Concello de Lourenzá aprobou un investimento de 25.420,16 euros para mellorar estradas nas catro parroquias do municipio.

O concelleiro de Obras, Dino Vidal, explicou que a metade do investimento corresponde a fondos propios do Concello e o restante vai con cargo ao Plan de Obras e Servizos da Deputación de Lugo.

Lourenzá, 11 de febreiro de 2014. Dentro do ciclo Febreiro teatreiro, organizado polo Concello de Lourenzá, este domingo 16 actuará o trío Trípode e o día 23 a representación correrá a cargo da compañía O Batán, de Cangas de Foz. Anunciouno hoxe a concelleira de Cultura, Lupe Flórez Seivane.

No día de onte en Villalba a sección de atletismo volveu a ser protagonista positiva obtendo unhos novos resultados históricos que xa non sorprenden pero sí seguen alegrando.

Categoría benxamín feminino:

O equipo formado por Valeria, Diana, Carmen, Antía, María e Aldara proclamouse campión provincial ¡!!

Categoría benxamín masculino:

O equipo formado por Fernando, Manuel, Ian, Brais e David proclamouse Subcampión provincial.

Categoria alevín feminino:

O equipo formado por Ainara, Ana, Hiba, Ainhoa, Carme e Marta; subcampionas provinciais.