A alcaldesa de Lourenzá, Rocío López García, anuncia que o departamento de Servizos Sociais do Concello tramita as solicitudes para participar no programa Xuntos polo Nadal. O prazo para presentalas está aberto ata o 17 de novembro.
Lourenzá, 30 de outubro de 2017. O Centro de Interpretación da Faba de Lourenzá acollía este mediodía a presentación da Ruta da Faba. Trátase dunha ruta que xira arredor dos principais tesouros desta terra, arte, gastronomía e o cultivo da recoñecida leguminosa.
Lourenzá, 28 de outubro de 2017. Por terceiro ano consecutivo o Concello de Lourenzá colabora co CEIP Juan Rey para que todos os nenos teñan a posibilidade de acceder de maneira gratuíta aos libros de texto.
O concelleiro de Educación, Manuel Arango Ron, anunciou que “a xunta de goberno local ven de aprobar unha axuda de preto de 600 euros para este fin e poder completar así o banco de libros daqueles cursos que poden acceder ao sistema de préstamo”.
Lourenzá, 27 de outubro de 2017. O Concello de Lourenzá instalou dous banquillos no campo de fútbol de Santa Cruz e novos asentos nas gradas do pavillón polideportivo municipal.
Lourenzá, 27 de outubro de 2017. O concelleiro de Cultura, Manuel Arango, anunciou que onte, xoves, deu comezo a terceira edición do campionato de parchís para adultos que organiza a biblioteca municipal de Lourenzá. Anotáronse seis parellas, das que sairá unha gañadora despois de enfrontarse entre elas polo sistema de liga.
Galego
Español