Novas

ESTA SEMANA COMEZARON OS TRABALLOS DE PINTADO DA SINALIZACIÓN HORIZONTAL NAS RÚAS DO CASCO URBANO

Esta semana comezaron os traballos de pintado da sinalización horizontal nas rúas do casco urbano de Lourenzá.

A alcaldesa, Rocío López, explicou: “estase procedendo ó repintado de todas as liñas brancas e amarelas de pasos de peóns, stops, zonas de aparcamento e cruces das distintas rúas do casco urbano. O material empregado para os pasos de peóns e un tipo especial de pintura antideslizante para evitar posibles resbalóns dos viandantes sobre todo nos días de choiva”.

LOURENZÁ ACOLLE UNHA CAMPAÑA DE DOAZÓN DE SANGUE MAÑÁ, MARTES, DÍA 8. A ALCALDESA E A CONCELLEIRA DE SERVIZOS SOCIAIS ANIMAN AOS VECIÑOS A ACHEGARSE Á UNIDADE MÓBIL QUE ESTARÁ NA PRAZA DO CONDE SANTO

Lourenzá acollerá unha campaña de doazón de sangue mañá, martes, día 8. A alcaldesa, Rocío López García, e a concelleira de Servizos Sociais, Mercedes Dengra Sixto, animan aos veciños do municipio a achegarse á unidade móbil que estará na Praza do Conde Santo, fronte á Casa do Concello, de 10:00 a 14:00 e de 16:30 a 21:00 horas.