Novas

Concentración e minuto de silencio este mediodía en repulsa da violencia sexista

A alcaldesa de Lourenzá, Emma Álvarez Chao, e traballadoras do Concello participaron nunha concentración e gardaron un minuto de silencio este mediodía en repulsa da violencia sexista, que se levou por diante a semana pasada unha nova vítima na nosa provincia, concretamente en Lugo capital. “Coa morte de cada muller a mans da súa parella a sociedade revive esta lacra social que non é máis que unha tráxica realidade levada adiante por uns covardes por medo ás decisións e aos ideais dos demais”, manifestou Emma Álvarez.

O concello solicita 7 cursos para desempregados e asinará un convenio coa Consellería de Medio Ambiente para que este departamento da Xunta arranxe a Avenida de Soutelo cun investimento de 60.500 euros

Lourenzá, 27 de marzo de 2013. A comisión de goberno do Concello de Lourenzá aprobou a solicitude de sete cursos para desempregados e acordou iniciar o expediente para asinar un convenio coa Consellería de Medio Ambiente para o arranxo da avenida de Soutelo, obra na que a Xunta de Galicia investirá 60.500 euros.

O Concello e a parroquia de Santa María de Valdeflores asinaron un convenio que regula as visitas á igrexa, ao sarcófago do Conde Santo e ao Museo de Arte Sacra

Lourenzá, 26 de marzo de 2013. O Concello de Lourenzá, por medio da alcaldesa, Emma Álvarez Chao, asinou un convenio coa parroquia de Santa María de Valdeflores, a través do seu párroco, don Xosé Antonio Miguélez, “para permitir unhas visitas guiadas a todas aquelas persoas que queiran coñecer tanto a igrexa de Santa María, de Vilanova de Lourenzá, como o conxunto histórico do mosteiro de San Salvador, que está situado na mesma parroquia e que cumpre as funcións de templo parroquial.