Noticias

Lourenzá, 24 de setembro de 2013. O Concello organiza unha nova edición do taller de memoria. A inscrición está aberta e rematará o 11 de outubro, tal e como informa a alcaldesa, Emma Álvarez, a través dun bando.

O taller será impartido polo departamento de Servizos Sociais do Concello. No bando sinálase que “para realizar a inscrición hai que achegarse ata o centro social Torreón dos Frades de 10 a 13 horas ou poñerse en contacto con Dolores Villasuso, a educadora familiar, chamando ao seguinte teléfono: 982 12 10 36”.

O pasado sábado 21 de Setembro de 2013, a Asociación de Sendeirismo Terras de Lourenzá, organizou unha ruta que ningún sendeirista debería deixar de facer, a Ruta do Cares. Nela participaron unhas 40 persoas, que tras percorrer uns 23, 5 km aproximadamente cruzaron de Posada de Valdeón a Poncebos, repoñendo forzas en Caín. A ruta tivo, como non podía ser doutro xeito, unha gran aceptación e os sendeiristas deron fe da preciosidade da mesma e os encantos que esconde, magnificados polo impresionante dia do que se disfrutou.

Maiores veciños do concello de Lourenzá asistiron a un obradoiro de lectura e escritura en galego organizado polo Servizo de Normalización Lingüística da Mancomunidade de Concellos da Mariña Luguesa durante este mes de setembro. Este obradoiro impartiuno a técnico do servizo, que é a licenciada en filoloxía galego-portuguesa Mª Luz Pérez Goás, quen explicou que “a finalidade era crear un espazo onde as persoas de entre 60 e 80 anos puidesen compartir o pracer da lectura e da escritura en lingua galega.

Lourenzá, 21 de setembro de 2013. Neste mes de setembro a charla organizada polo Concello de Lourenzá está dedicada aos problemas de convivencia cos adolescentes. Será impartida pola pedagoga Carolina García Chico o vindeiro xoves, día 26, ás oito da tarde no salón de actos municipal.

Lourenzá, 20 de setembro de 2013. A alcaldesa de Lourenzá, Emma Álvarez Chao, aceptou a colaboración ofrecida pola Deputación de Lugo, que non inclúe achega económica, para a vindeira edición da Festa da Faba, que se celebrará do 4 ao 6 de outubro. A rexedora tomou esta decisión despois das conversas telefónicas que mantivo nas últimas horas co deputado delegado da Área de Cooperación e Asistencia ós Concellos, Álvaro Santos Ramos. Pero Emma Álvarez mantén que as axudas económicas do organismo provincial para os diferentes eventos deberían ser equitativas.

Lourenzá, 19 de septiembre de 2013. La alcaldesa de Lourenzá, Emma Álvarez Chao, acusa de sectarismo al gobierno de la Diputación de Lugo después de recibir una carta en la que el organismo provincial comunica el Ayuntamiento que no le concederá ninguna ayuda económica para la Festa da Faba de este año.

Lourenzá, 18 de setembro de 2013. A delimitación da Ruta da Costa do Camiño de Santiago está a exposición pública nas oficinas municipais de Lourenzá ata o día 3 de novembro e os interesados poden presentar alegacións. Anunciouno a alcaldesa, Emma Álvarez Chao, a través dun bando que fixo público hoxe.

A sección de Basket estudia a posibilidade de crear un novo equipo de basket de categoría sénior feminina, que militaría en Liga provincial ( Lugo e Coruña). Este equipo estaría formado por xogadoras que por distintos motivos(estudios, laborales...) non poden sair a competir en Liga Nacional e por xogadoras de categoría Junior.

Lourenzá, 17 de setembro de 2013. A nena laurentina Antía Lillo Irimia, de 10 anos e alumna do colexio Juan Rey, foi a gañadora do primeiro concurso convocado polo Concello de Lourenzá e a asociación de comerciantes, industriais e autónomos local para elixir o cartel anunciador da Festa da Faba. A imaxe utilizarase en todo o material gráfico que se faga para difundir a 23ª edición do festexo, que se celebrará do 4 ao 6 de outubro.

Sara Cuíña, nacida en Pontedeume e de 19 anos incorpórase a partir desta semana ó equipo de Nacional ó igual que a todopoderosa pívot Rocío Varela, unha das xogadoras destacadas da temporada pasada.