Novas

Nunha divertida gala conducida polo actor Evaristo González na noite de onte, sábado, foron entregados os premios do VI Certame de teatro de Lourenzá. O grupo Ollomao, de Barreiros, coa obra O traballo de Andrea, foi o gran triunfador da noite, acadando catro dos sete premios que se reparten no certame. Obtiveron o premio Conde Santo á mellor representación, dotado con 750 euros e trofeo; o premio Lourenzo ao mellor actor, para Benito de Condadés; o premio Ana á mellor actriz, para Miriam Bouso; e o premio especial do público.

O xurado da sexta edición do Certame de Teatro Concello de Lourenzá deu a coñecer os nominados nas distintas categorías de premios.

Para o premio Conde Santo á mellor representación (750 euros e trofeo) os elixidos son: Heroínas cotiás, de Muiñeiras do Vento (Ferrol); O traballo de Andrea, de Ollomao (Barreiros); e As máscaras de Ibáñez. O marqués de Sargadelos que nunca foi, de Avelaíña (Pontevedra)

O Concello de Lourenzá conmemora este sábado, día 30 de novembro, o día contra violencia de xénero cun concerto pola igualdade titulado Las Sinsombrero, do cantautor Paco Damas, que estará acompañado de nove nenos e nenas de Lourenzá que lerán poemas das poetas da xeración do 27. Será no Multiusos Ponte de Cuñas ás 19:00 horas.

Grupos das catro provincias galegas participarán na sexta edición do certame de teatro Concello de Lourenzá, que comezará o venres 1 de novembro, Día de Tódolos Santos.

O artista laurentino Jonydasvie rende homenaxe a seu pai, falecido recentemente, coa súa nova canción titulada Ya no estás, que se presentou nas plataformas dixitais hoxe, martes.

A concentración de vehículos Vespafaba & Clásicos Lourenzá celebrará o seu décimo aniversario os días 5 e 6 de outubro, sábado e domingo. Foi presentada polos organizadores e pola alcaldesa de Lourenzá, Rocío López.

Lourenzá, 23 de setembro de 2024. A programación da XXXII Festa da Faba de Lourenzá, que se celebrará do 4 ao 6 de outubro, inclúe actividades como degustacións e venda de fabas o sábado e o domingo, exposicións e demostracións de artesáns, showcookings, cata de viño, concentración de vehículos clásicos e varias actuacións musicais.

O Concello de Lourenzá presentou o cartel anunciador e a pregoeira da XXXII Festa da Faba, que se celebrará desde o venres 4 ata o domingo 6 de outubro.
 

A veciña do barrio laurentino da Cazolga Josefa Pardeiro González celebrou que cumpriu 100 anos na súa casa, acompañada de 40 persoas da súa familia. Ten 4 fillos, 4 netos, 6 bisnetos e 5 irmáns vivos dos 9 que foron.

A alcaldesa de Lourenzá, Rocío López, explica que “foi un día inesquecible para ela, xornada na que xuntou a todos os seus achegados. Josefa vive na Cazolga cun fillo e goza de moi boa saúde e memoria”.

A Concellería de Cultura do Concello de Lourenzá convoca o VI CERTAME DE TEATRO AFECCIONADO “CONCELLO DE LOURENZÁ”. Poderán participar unicamente compañías ou grupos de teatro afeccionado e que superen un proceso previo de selección, admitíndose calquera tipo de xénero e empregando preferentemente a lingua galega en calquera das súas variantes dialectais. Os grupos interesados en participar deberán inscribirse nas oficinas municipais do Concello de Lourenzá ou por correo.