Catro laurentinos foron premiados na fase provincial do Certame das Letras Galegas 2013

Lourenzá, 13 de xuño de 2013. Catro escolares de Lourenzá resultaron premiados na fase provincial do certame das Letras Galegas 2013, cuxa temática era A toda máquina.

Os galardoados son María Sánchez Villalba, co segundo premio na categoría A de debuxo; Jerom Moirón Trigo, con accésit na categoría A de narración; Javier Álvarez Méndez, co segundo premio na categoría B de narración; e Antía Lillo Irimia, con accésit na categoría B de narración.

En representación do Concello de Lourenzá a edil delegada de Cultura, Lupe Flórez Seivane, felicita publicamente aos catro premiados e anuncia que a entrega dos galardóns terá lugar nas dependencias da Biblioteca Provincial Lugo mañá, venres, día 14.