ESTE MEDIODÍA TIVO LUGAR UNHA CONCENTRACIÓN CUN MINUTO DE SILENCIO EN RECORDO DAS VÍTIMAS DOS ATENTADOS DE PARÍS DÍANTE DA CASA DO CONCELLO, ONDE AS BANDEIRAS ONDEAN A MEDIA ASTA

Este mediodía tivo lugar en Lourenzá unha concentración cun minuto de silencio en recordo das vítimas dos atentados de París. Levouse a cabo diante da Casa do Concello, onde as bandeiras ondean a media asta dende o sábado.

A alcaldesa, Rocío López, explicou que “o Concello de Lourenzá gardou este mediodía un minuto de silencio en recordo das vítimas dos atentados de París. A concentración tivo lugar diante da Casa do Concello e nela estiveron presentes membros do equipo de goberno e persoal laboral do Concello, así como outros veciños e veciñas de Lourenzá. O concello de Lourenzá expresa así a súa solidariedade co pobo francés e quere mostrar todo o seu apoio os familiares das vítimas. Xa dende a tarde do sábado as bandeiras da Casa do Concello ondean a media asta como xesto de condolencia polo ocorrido este venres en París”.

A rexedora municipal engadiu que “non hai palabras que xustifiquen uns feitos así. Pero non podemos permanecer inmunes, debemos condenar esta barbarie e mostrar ó noso rexeitamento polos feitos ocorridos”.