Galego
EspañolO Concello de Lourenzá organiza o primeiro campionato de parchís por parellas para adultos que se desenvolverá na biblioteca municipal. O prazo de inscrición para participar remata o 5 de febreiro.
Os interesados en participar poden anotarse na propia biblioteca municipal en horario de 5 a 8 da tarde.
A alcaldesa de Lourenzá, Rocío López, explicou que “o xogo do parchís constitúe unha práctica habitual nos encontros cotiás entre familiares e amigos. Con esta iniciativa o Concello ofrece alternativas ao tempo libre e pretende fomentar a reunión e a convivencia entre os veciños. Dende o Concello queremos impulsar e dar valor a esas reunións entre os cidadáns”.
