Novas

Lourenzá, 6 de febreiro de 2014. O secretario xeral para o Deporte da Xunta de Galicia, José Ramón Lete Lasa, estivo hoxe en Lourenzá e felicitou ao Concello polo seu traballo na promoción do deporte e no fomento da vida sa. Lete Lasa, que estivo acompañado polo responsable provincial do departamento autonómico de Deportes, Manuel Otero Cadramón, reuniuse coa alcaldesa de Lourenzá, Emma Álvarez Chao, e co concelleiro de Deportes, Pablo Maseda.

Lourenzá, 6 de febreiro de 2014. O salón de actos da Casa do Concello de Lourenzá acollerá unha charla sobre a prevención de atropelos a peóns o vindeiro xoves, día 13, ás once e media da mañá. Os asistentes recibirán de agasallo un chaleco reflectante.

No acto daranse pautas para pasear coas axeitadas medidas de visibilidade e seguridade co fin de evitar atropelos nos distintos tipos de vías.

A charla está organizada pola Dirección General de Tráfico do Ministerio del Interior, pola Guardia Civil de Tráfico e polo Concello de Lourenzá.

Lourenzá, 5 de febreiro de 2014. A Concellería de Cultura de Lourenzá organiza un ciclo teatro denominado Febreiro teatreiro, que se desenvolverá os domingos 9, 16 e 23 deste mes no salón de actos da Casa do Concello. A representación deste vindeiro domingo será ás sete da tarde e correrá a cargo da compañía da asociación VEA, de Barreiros, que ofrecerá a obra Curtas humorísticas. O prezo da entrada é de un euro.

Lourenzá, 4 de xaneiro de 2014. Lourenzá participará no macroentroido que se celebrará en Santiago de Compostela este vindeiro domingo, día 9 de febreiro, organizado pola Axencia de Turismo de Galicia, evento no que participarán os Carnavais máis famosos da comunidade autónoma. O Concello e a asociación de comerciantes, industriais e autónomos de Lourenzá (ACIAL) darán a coñecer o desfile do Domingo de Piñata e os atractivos do municipio.

Lourenzá, 31 de xaneiro de 2014. Os premiados no certame de poesía de Nadal 2013 da biblioteca pública municipal Juana de Ibarbourou, de Lourenzá, recibiron os seus agasallos e diplomas.

No acto participaron a alcaldesa, Emma Álvarez; a concelleira de Cultura e presidenta do xurado, Lupe Flórez; a técnica de Cultura, bibliotecaria e secretaria do xurado, María José López; a educadora familiar, Dolores Villasuso, que tamén formou parte do xurado, no que ademais estaba a traballadora social, Pepa García, que non puido asistir á entrega de premios.

Lourenzá, 30 de xaneiro de 2014. O Concello de Lourenzá oferta un emprego temporal para cubrir a baixa dunha técnica de educación infantil no Punto de Atención á Infancia. Anunciouno hoxe a alcaldesa, Emma Álvarez Chao, quen explica que é preciso para seguir ofrecendo os servizos do PAI de 8 a 20 horas.

Dani Pérez, nova incorporacion!!!

Daniel Pérez Mato, "Dani", retorna á casa que o veu medrar dende a categoría cadete. Dani Pérez, según as súas declaracións, volve non coma un salvador senón para aportar o seu grado de area nun Atleti en situación complicada. Cubrirá ademáis a baixa de Pitero que ten que deixar temporalmente o equipo por motivos laborais. O equipo agora mesmo está a 4 puntos da salvación.

Ainara Rguez e Diana Lastra vencen na VII Popular de Rábade con múltiples pódiums(11 en total)!!!

RESULTADOS:

CATEGORÍA BENXAMÍN FEMININO:

1/ - Diana Lastra.

3/- Carmen García.

Ademáis, participaron Aldara Fdez, Iria Rguez. e Henar Méndez.

Lourenzá, 23 de xaneiro de 2014. A alcaldesa de Lourenzá, Emma Álvarez Chao, asiste á feira internacional de turismo Fitur, en Madrid, para apoiar a promoción conxunta da Mariña. A rexedora participará esta tarde na presentación dun novo vídeo sobre a comarca, no que aparecen os principais atractivos do municipio laurentino.

O salón de actos da Casa do Concello de Lourenzá acolleu onte, martes, a entrega dos carnés de usuario profesional de produtos fitosanitarios aos 23 alumnos que superaron con éxito o curso de aplicador e manipulador de produtos fitosanitarios que organizou o Concello de Lourenzá a mediados do pasado ano 2013. Os carnés teñen unha validez de 10 anos. No acto participou a alcaldesa de Lourenzá, Emma Álvarez Chao, quen dixo que o Concello traballa para organizar máis actividades formativas deste tipo.