Novas

OS TRES GRUPOS DA CORPORACIÓN DE LOURENZÁ SOLICITAN DA REAL ACADEMIA GALEGA QUE SE DEDIQUE A FRANCISCO FERNÁNDEZ DEL RIEGO O DÍA DAS LETRAS GALEGAS DO PRÓXIMO ANO

Os tres grupos políticos que conforman a corporación municipal de Lourenzá (PSOE, PP e BNG) presentan ao pleno que se celebrará o vindeiro luns, 31 de maio, unha moción conxunta na que lle solicitan á Real Academia Galega que o Día das Letras Galegas do próximo ano se lle dedique ao escritor laurentino Francisco Fernández del Riego. Ao mesmo tempo dirixiranse aos demais concellos da Mariña, á Deputación Provincial, ao Concello de Vigo e á Fundación Penzol para que apoien esta iniciativa.

O CONCELLO CONVOCA UN CONCURSO DE POESÍA CO GALLO DO DÍA DAS LETRAS GALEGAS

Lourenzá, 6 de abril de 2021. O Concello de Lourenzá convoca un concurso de poesía co gallo do Día das Letras Galegas.

O concelleiro de Cultura, Manuel Arango Ron, explica que “este concurso está dirixido a persoas de todas as idades, divididas en tres categorías: ata 9 anos, de 9 a 14 anos e máis de 14 anos. Establécese un premio para cada categoría, consistente en 50 euros e unha figura institucional”.