A biblioteca pública municipal Juana de Ibarbourou celebrou o Día das Letras Galegas cunha xornada de animación a lectura para os alumnos do CEIP Juan Rey, que se desenvolveu no centro onte, venres, e fixo públicos os premiados no certame de debuxo e narración.

Na actividade que se celebrou no colexio Juan Rey participaron todos os alumnos, tanto de Infantil como de Primaria. Foi organizada pola Concellería de Cultura, a través da biblioteca municipal, dentro do programa de fomento da lectura Ler conta moito, promovido pola Consellería de Cultura, Educación e Ordenación Universitaria, da Xunta de Galicia.

O espectáculo titulado Conto contigo, deseñado por Expresión Producións, correu a cargo de Manuel Solla Barragáns, que ofreceu unha experiencia de animación á lectura con contos e houbo moita participación por parte dos nenos asistentes. 

Por outra parte, o xurado do certame de narración e debuxo convocado pola biblioteca de Lourenzá para conmemorar o Día das Letras Galegas fixo pública a súa deliberación onte, venres, e a entrega de diplomas e a entrega de diplomas e agasallos aos premiados farase neste mes.

A concelleira de Cultura e Educación en Lourenzá, Lupe Flórez Seivane, explicou que “os nenos e nenas seleccionados nesta convocatoria local pasan a participar na fase provincial do certame, para a que lles desexamos moita sorte”.

GAÑADORES CERTAME Letras Galegas 2014

Temática: “Cociñando contos”

 

Convocatoria Biblioteca Pública Municipal “Juana de Ibarbourou”

(Lourenzá)

 

 

DEBUXO

Categoría A (ata 8 anos)

 

 

 

 

 

NARRACIÓN

Categoría B (de 9 a 11 anos)

 

 

 

 

 

NARRACIÓN

Categoría C (de 12 a 16 anos)