Neste domingo, día 22 de marzo, dous membros da “Asoc. Amigos do Patrimonio de Catro Verde” acompañamos a membros da "Asociación de Senderismo Terras de Lourenzá" que realizamos un dos roteiros dos muíño do Poñente: Rodinso – Francelos, aínda que non rematamos en Francelos, senón en San Paio.
A alcaldesa de Lourenzá, Emma Álvarez Chao, anunciou o remate das obras de limpeza nos ríos Baos e Batán e que proximamente serán reparados os danos causados polas intensas chuvias do pasado 3 de decembro.
O pasado domingo unha atleta das Escolas Deportivas volvía a impoñerse nunha novo popular, neste caso en As Pontes. A Atleta do Maderas Barcia ganaba na categoría infantil feminina na 25 Carreira de San Xosé con un tempo de 4 minutos 28 segundos sobre un percorrido de 1 kilómetro 250 metros.
Este vindeiro domingo o groso da expedición laurentina desprazarase a Lugo para participar na 1ª preparatoria de atletismo provincial
A alcaldesa de Lourenzá, Emma Álvarez Chao, reuniuse en Madrid con responsables do Ministerio de Fomento e solicitoulles fondos para restaurar o mosteiro de San Salvador e melloras nas comunicacións por estrada.
Lourenzá, 17 de marzo de 2015. Lourenzá acollerá diversas actividades para rapaces de 7 a 17 anos este sábado, día 21, e do 28 de marzo ao 1 de abril. Están organizadas pola asociación Chao de Castro-Altair e contan coa colaboración do Concello, segundo deu a coñecer esta mañá a concelleira de Educación e Cultura, Lupe Flórez.
Lourenzá acollerá un obradoiro de cestería para nenos e nenas a partir de 8 anos de idade, que se desenvolverá na vindeira Semana Santa, concretamente os días 30 e 31 deste mes e o 1 de abril. O prazo de inscrición rematará o día 26 de marzo.
Bonita carreira hoxe en Cotobade na primeira transgalaica do 2015, con mais de 400 participantes. O novo recorrido que nos tiñan preparado este ano os Monteferro, era como sempre moi bonito pero moito mais duro que o do ano pasado , con moita lama e cambiando moita pista da parte alta por bonitos sendeiros.
Dos nosos ciclistas o primeiro en chegar a meta foi Javier Legide no posto 48 xeral e 13 Master 40 con un tempo de 3h 12m.
Ainara Rguez. volvía a impoñerse de novo na prestixiosa Corre con Nós que tivo lugar nas Termas en Lugo este pasado domingo. Nova victoria por tanto na categoría infantil sobre unha distancia de 1500 mts. con un tempo de 6 minutos e 17 segundos.Tamén tomou parte na mesma proba Iria Rguez. en categoría benxamín, así como Marisa Ares en categoría absoluta.
O salón de actos da Casa do Concello de Lourenzá acollerá unha charla informativa sobre o funcionamento do Bando de Terras este venres, día 13, ás 20:30 horas. Correrá a cargo do enxeñeiro agrónomo de BANTEGAL Carlos Díaz Redondo.
Unha trintena de mulleres participaron no café calceta organizado polo Concello de Lourenzá para conmemorar o Día da Muller Traballadora.
O acto celebrouse o pasado sábado na sala de usos múltiples do departamento municipal de Servizos Sociais, que está no Torreón dos Frades. A laurentina Maruxa Geada relatou a súa experiencia nun mundo tradicionalmente masculino, o da súa profesión de camioneira.
Galego
Español