Novas

A ISABEL VILALBA FAILLE ILUSIÓN PREGOAR A FESTA DA FABA E SORPRENDEULLE QUE LLO PROPUXERAN. NO PROGRAMA INCLÚESE UNHA EXPOSICIÓN DE XOÁN GUERREIRO, A PROXECCIÓN DUN AUDIOVISUAL DE XESÚS DO BREOGÁN E A PRESENTACIÓN DUN LIBRO DO QUE É COAUTOR IGNACIO CASTRO

A secretaria xeral do Sindicato Labrego Galego, a laurentina Isabel Vilalba, manifestou que lle fai ilusión pregoar a Festa da Faba aínda que lle sorprendeu que llo propuxeran. No programa do evento, que comeza este venres 30 e remata o domingo 3 de outubro, inclúese tamén unha exposición de pinturas de Xoán Guerreiro, a proxección dun audiovisual sobre A Mariña elaborado por Xesús do Breogán e a presentación dun libro do que é coautor o veciño de Lourenzá Ignacio Castro.

O CAMPO DOS BOLOS ACOLLERÁ A PRIMEIRA FEIRA DE AUTOMOCIÓN E VEHÍCULOS AGRÍCOLAS ORGANIZADA POR ACIAL DURANTE A FESTA DA FABA. TAMÉN HABERÁ CONCENTRACIÓN DE MOTOS E COCHES CLÁSICOS.

O Campo dos Bolos acollerá a primeira feira de automoción e vehículos agrícolas organizada pola Asociación de Comerciantes, Industriais e Autónomos de Lourenzá (ACIAL) durante a Festa da Faba, que se celebrará este vindeiro fin de semana. Tamén haberá concentración de motos e coches clásicos.

A FEIRA DE PRODUTOS ECOLÓXICOS CERTIFICADOS, QUE CONTARÁ CON 20 PARTICIPANTES, É UNHA DAS NOVIDADES DA XXVI FESTA DA FABA, QUE REMATARÁ CUN ENCONTRO FOLCLÓRICO ORGANIZADO POLA ASOCIACIÓN CULTURAL OSORIO GUTIÉRREZ

A feira de produtos ecolóxicos certificados, que contará con 20 empresas participantes, é unha das novidades da XXVI Festa da Faba de Lourenzá. O evento, que empezará o 30 de setembro, rematará o 2 de outubro, domingo, ás 18:30 horas cun encontro folclórico organizado pola asociación cultural Osorio Gutiérrez.

PRESENTADO O CARTEL E O PROGRAMA DE ACTIVIDADES DA XXVI FESTA DA FABA, QUE SE CELEBRARÁ DO 30 DESTE MES AO 2 DE OUTUBRO. HABERÁ NOVIDADES, COMO AS FEIRAS DE PRODUTOS ECOLÓXICOS CERTIFICADOS E DE AUTOMOCIÓN E VEHÍCULOS AGRÍCOLAS

A praza de Vilanova de Lourenzá acolleu a presentación do cartel e o programa de actividades para a XXVI Festa da Faba, que se celebrará desde o día 30 deste mes ata o 2 de outubro. Nesta edición haberá novidades, como as feiras de produtos ecolóxicos certificados e de automoción e vehículos agrícolas.

O TORREÓN DE VILANOVA ACOLLERÁ CLASES DE ESO PARA ADULTOS E TAMÉN PARA PREPARAR O EXAME DE COMPETENCIAS CLAVE N_2 DA CONVOCATORIA DE 2017

O Torreón de Vilanova de Lourenzá acollerá clases de ESO para adultos e tamén para preparar o exame de Competencias Clave N_2 da convocatoria do vindeiro ano 2017.

En canto ás clases de ESO destinadas a adultos no curso 2016-2017 para obter o título oficial da Xunta de Galicia, o horario será de tarde-noite para os que traballan e comezarán o 17 de outubro, luns.

E para a preparación do exame de Competencias Clave N_2 na convocatoria de 2017 as clases empezarán o 18 de outubro, martes.