Novas | Concello de Lourenzá

UNHA UNIDADE MÓBIL DE INSPECCIÓN TÉCNICA DE VEHÍCULOS AGRÍCOLAS ESTARÁ NO MERCADO COMARCAL GANDEIRO DO 20 AO 23 DESTE MES

Unha unidade móbil de inspección técnica de vehículos agrícolas desprazarase a Lourenzá do 20 a 23 deste mes. Deuno a coñecer a través dun bando a alcaldesa, Rocío López García.

A rexedora explica que a unidade móbil situarase no mercado comarcal gandeiro de Lourenzá desde o vindeiro martes, día 20, ata o venres 23. Os días 20, 21 e 22 estará en horario de 09:00 a 13:30 horas e de 15:15 a 18:00 horas e o día 23 atenderá só pola mañá.

MAÑÁ, XOVES, COMEZA O PRAZO PARA SOLICITAR NA CASA DO CONCELLO O NOVO CARNÉ DE FABEIRO PARA OS PRODUTORES QUE QUEIRAN VENDER NOS MERCADOS DOMINICAIS QUE EMPEZARÁN O DÍA 25 DESTE MES

Mañá, xoves, comeza o prazo para solicitar na Casa do Concello de Lourenzá o novo carné de fabeiro para os produtores que queiran vender nos mercados dominicais que empezarán o día 25 deste mes.

O CONCELLO REALIZA OBRAS PARA MELLORAR AS INSTALACIÓNS DO PAVILLÓN POLIDEPORTIVO MUNICIPAL

O Concello de Lourenzá realiza obras para mellora as instalacións do pavillón polideportivo municipal. Os traballos foron supervisados pola alcaldesa, Rocío López, e polo concelleiro de Deportes, Francisco Dasilva.

O CONCELLO COLABORA CO BANCO DE LIBROS DE TEXTO DO CEIP JUAN REY E COAS SAÍDAS CULTURAIS PROGRAMADAS POLO CENTRO

O Concello de Lourenzá colabora co CEIP Juan Rey para completar o banco de libros de texto e así permitir que todos os alumnos e alumnas do centro poidan ter acceso a eles de gratuitamente. Ademais axuda economicamente para as saídas culturais programadas polo colexio.

O CONCELLO SOLIDARÍZASE COS GANDEIROS GALEGOS E PECHOU ÁS OFICINAS MUNICIPAIS HOXE DE 12 A 13 HORAS EN APOIO Á MANIFESTACIÓN EN DEFENSA DO SECTOR LÁCTEO CELEBRADA EN LUGO

O Concello de Lourenzá solidarízase cos gandeiros galegos e pechou as oficinas municipais hoxe, martes, de 12 a 13 horas como sinal de apoio á manifestación en defensa do sector lácteo celebrada en Lugo.