Novas | Concello de Lourenzá

O SALÓN DE ACTOS MUNICIPAL ENCHEUSE DE PÚBLICO ONTE NA CHARLA DO CARDIÓLOGO RAMÓN RÍOS SOBRE O INFARTO DE MIOCARDIO

O salón de actos da Casa do Concello de Lourenzá encheuse de público onte con motivo da charla sobre o infarto de miocardio ofrecida polo cardiólogo Ramón Ríos, que traballa no Hospital Universitario Lucus Augusti (HULA), onde é membro do equipo do doutor Carlos Juanatey. Este evento foi organizado polo Concello de Lourenzá, concretamente dende a Concellería de Servizos Sociais que dirixe Mercedes Dengra, en colaboración coa Federación Veciñal Lucus Augusti.

O SALÓN DE ACTOS DA CASA DO CONCELLO ACOLLERÁ UNHA CHARLA SOBRE O INFARTO DE MIOCARDIO A CARGO DO CARDIÓLOGO RAMÓN RÍOS O DÍA 25 DESTE MES

Lourenzá, 17 de febreiro de 2016. O salón de actos da Casa do Concello de Lourenzá acollerá unha charla sobre o infarto de miocardio a cargo do cardiólogo Ramón Ríos Vázquez, que exerce no Hospital Universitario Lucus Augusti (HULA), de Lugo. Será o día 25 deste mes, xoves, ás oito e media da tarde.

O SALÓN DE ACTOS DA CASA DO CONCELLO ACOLLERÁ UNHA CHARLA SOBRE AXUDAS PARA INVESTIMENTOS EN EXPLOTACIÓNS AGRÍCOLAS. SERÁ O VINDEIRO LUNS ÁS 16 HORAS

O Concello de Lourenzá organiza unha charla informativa sobre as axudas para os investimentos nas explotacións agrícolas convocadas para este ano 2016. Será impartida por José Manuel Fernández Fente, xefe de área dos servizos agrarios da Mariña, e terá lugar no salón de actos da Casa do Concello o vindeiro luns, 22 de febreiro, ás 16 horas.

O SALÓN DE ACTOS DO CONCELLO ACOLLERÁ O VINDEIRO LUNS, DÍA 15, UNHA CHARLA INFORMATIVA SOBRE O PROGRAMA DE AXUDAS PARA A REHABILITACIÓN DE VIVENDAS NOS CAMIÑOS DE SANTIAGO

O vindeiro luns, 15 de febreiro, ás 20:00 horas terá lugar no salón de actos do Concello de Lourenzá unha charla informativa do programa de subvencións para a rehabilitación de vivendas nos Camiños de Santiago.

A ALCALDESA ANUNCIA O PROCEDEMENTO ESTABLECIDO PARA SOLUCIONAR AS AFECTACIÓNS QUE PODEN CAUSAR NA RECEPCIÓN DA TDT OS NOVOS SERVIZOS MÓBILES LTE

Lourenzá, 10 de febreiro de 2016. A alcaldesa de Lourenzá, Rocío López, fixo público un aviso no que anuncia o procedemento establecido para solucionar as afectacións que poden causar na recepción da Televisión Dixital Terrestre (TDT) os novos servizos móbiles LTE.