Novas

O CONCELLO TRAMITA DESCONTOS DE ATA O 50% PARA OS ESTUDANTES LAURENTINOS QUE SE DESPRACEN AOS SEUS CENTROS DE ENSINO EN AUTOBUSES DA EMPRESA ARRIVA

A Concellería de Educación do Concello de Lourenzá anunciou hoxe que xa está a tramitar os bonos desconto para todos aqueles estudantes que se despracen aos seus centros de ensino en autobuses pertencentes á empresa Arriva. Os descontos irán dende o 15 por cento de rebaixa para os bonos de 10 viaxes ata o 50 por cento nos bonos de 60 desprazamentos. Ademais, como novidade este ano, as axudas poderán aplicarse a todo tipo de estudantes e non só a universitarios, como viña sendo habitual.

O EQUIPO DE BASKET TEN NOVO PATROCINADOR

O novo patrocinador do equipo para esta temporada 2014/2015 do equipo de basket feminino de Segunda Autonómica será Muebles Huertas, que xa debutou dando sorte ó equipo este fin de semana pasado no Corgo.

UNHA TRINTENA DE SENDERISTAS DISFRUTARON ESTA FIN DE SEMANA DA ESPECTACULAR RUTA ORGANIZADA POLA ASOCIACIÓN DE SENDEIRISMO TERRAS DE LOURENZÁ POLO COUREL

Unha trintena de senderistas disfrutaron esta fin de semana da espectacular ruta organizada pola Asociación de Sendeirismo Terras de Lourenzá polo Courel (Alto do Couto, Devesa da Rogueira, Formigueiros, Alto do Couto). Aos encantos da Serra do Courel sumouselle un impresionante día para camiñar. A ruta foi duns 12 kms aproximadamente. Ao rematar a ruta os sendeiristas repuxeron forzas cunha comida nun restaurante da zona.